Met Gala ပွဲကို ရွှေလက်တွဲပြီးတက်ရောက်လာကာ လူအများရှေ့မှာ အပြန်အလှန်ဂရုစိုက်နေတဲ့အပြင် ချစ်ကြည်နူးနေကြတဲ့ Justin တို့ဇနီးမောင်နှံ

လွန်ခဲ့တဲ့ရက်ပိုင်းက နယူးယောက်မြို့မှာကျင်းပခဲ့တဲ့ Video Music Awards 2021 ပွဲကြီးကို Justin Bieber နဲ့ Hailey Baldwin တို့ဇနီးမောင်နှံနှစ်ယောက်ကလည်း ရွှေလက်တွဲပြီးတက်ရောက်ခဲ့ကြပါတယ်။Justin က အဲ့ဒီပွဲမှာ Artist Of The Year နဲ့ Best Pop Video ( Peaches ) တို့နဲ့ ဆုနှစ်ဆု ရရှိခဲ့တာပဲဖြစ်ပါတယ်။Justin တို့ဇနီးမောင်နှံအတွက် ပထမဆုံး Met Gala ဖြစ်လို့ ဒီပွဲမှာ လိုက်ဖက်ညီတဲ့ အနက်ရောင်ဝတ်စုံတွေကို ဝတ်ဆင်ခဲ့ကြပါတယ်။

VMAs ပွဲကို တက်ရောက်လာကြတဲ့ အနုပညာရှင်တွေက များပြားပြီး သူတို့ရဲ့ တမူထူးခြားတဲ့ဒီဇိုင်းတွေကလည်းတစ်ယောက်နဲ့တစ်ယောက် လွန်စွာကွဲပြားလှပါတယ်။Justin နဲ့ Hailey တို့ရဲ့ ဝတ်စုံတွေကတော့ ရိုးရိုးရှင်းရှင်းဒီဇိုင်းတွေဖြစ်ပေမယ့် နှစ်ယောက်လုံးရဲ့အသွင်အပြင်တွေက တောက်ပနေခဲ့ပါတယ်။Hailey ရဲ့ အနက်ရောင်ဂါဝန်ရှည်ကတော့ ခန္ဓာကိုယ်ပေါ်မှာ ချပ်ရပ်နေလို့ အလှတရားတွေပေါ်လွင်နေတဲ့အပြင် လည်တိုင်မှာလည်း စိန်လည်ဆွဲကိုဆင်မြန်းထားပါသေးတယ်။

Justin ကတော့ အဖြူရောင်ရှပ်အင်္ကျီအပေါ်မှာ အနက်ရောက်ကုတ်ကိုထပ်ဝတ်ထားတဲ့ပုံစံက မြင်နေကျဖြစ်ပေမယ့်ဘောင်းဘီအပွကြောင့် ဒီဇိုင်းတစ်မျိုးဖြစ်လို့သွားပါတယ်။Justin နဲ့ Hailey တို့ရဲ့ ဝတ်စုံဒီဇိုင်းတွေက အားလုံးထဲမှာရိုးရှင်းနေပေမယ့် ပရိသတ်တွေရဲ့အာရုံကိုရရှိခဲ့ပါတယ်။အဲ့ဒါကတော့ နှစ်ယောက်သားက Red Carpet ပေါ်မှာအပြန်အလှန်ဂရုစိုက်ပြီး အရမ်းလိုက်ဖက်ညီနေတာကြောင့်ပဲဖြစ်ပါတယ်။တစ်ယောက်ကိုတစ်ယောက်အရမ်းချစ်ကြပြီး ဘယ်နေရာမဆို အတူတူသွားလာကြတဲ့ Justin တို့ဇနီးမောင်နှံရဲ့ ပွဲတက်ပုံရိပ်တွေကိုပြန်လည်မျှဝေပေးလိုက်ပါတယ်။

Source&Photo Credit:Justin Bieber’s IG Acc