ကေပေါ့အိုင်ဒေါဟောင်းတစ်ဦးဖြစ်ခဲ့ပြီးတော့ လက်ရှိအချိန်မှာမင်းသမီးတစ်ယောက်ဖြစ်နေတဲ့ Eugene ဟာ HYBE နှင့်တရားရင်ဆိုင်နေတဲ့ မင်ဟီဂျင်နှင့် New Jeans ကိုအနိုင်ရမှုအတွက်ဂုဏ်ပြုကြောင်းပြောခဲ့တာဖြစ်ပါတယ်။ တရားရင်ဆိုင်မှုမှာအနိုင်ရခဲ့တာကြောင့် မင်ဟီးဂျင်ဟာ ကုမ္မဏီကနေအလုပ်ထုတ်ခံရတာမျိုးမရှိဘဲ New Jeans ရဲ့ အုပ်ထိန်းသူအဖြစ်ဆက်လုပ်သွားမှာဖြစ်ပါတယ်။
မင်းသမီး Eugene ကသူ့အနေနှင့် New Jeans ရဲ့ပရိတ်သတ်ဖြစ်တာကြောင့်အခုလိုလက်တွဲမဖြုတ်တာကိုဝမ်းသာမိကြောင်းပြောထားတာဖြစ်ပါတယ်။ ဒါ့အပြင် မင်းသမီးဟာအဖွဲ့သက်တမ်းဆယ်နှစ်ပြည့်အယ်လ်ဘမ်တုန်းက မင်းဟီဂျင်နှင့်အတူလက်တွဲလုပ်ဖူးတာကြောင့် သူ့ရဲ့အရည်အချင်းနှင့်အတွေးအမြင်ကောင်းမှုတွေကိုပါစာထဲမှာချီးကျုးထားတာဖြစ်ပါတယ်။
သူမအနေနှင့် သဘောကျမိတဲ့ New Jeans အဖွဲ့ရဲ့အရည်အချင်းနှင့် မင်းဟီးဂျင်ရဲ့အရည်အချင်းပေါင်းစပ်မှုဟာကောင်းမွန်လွန်းကြောင်း ပြောခဲ့ပါသေးတယ်။ အခုလိုမျိုးအတူဆက်ရှိခွင့်ရတဲ့အတွက် ပရိတ်သတ်တစ်ယောက်အနေနှင့် ဝမ်းသာမိသလိုဆက်ပြီးသီချင်းကောင်းတွေဖန်တီးပေးဖို့ပါ ပြောထားတာဖြစ်ပါတယ်။ New Jeans ဟာလက်ရှိအချိန်မှာအယ်လ်ဘမ်အသစ်ထွက်ထားပြီးတော့ မကြာခင်မှာ ကမ္ဘာလှည့်ဖျော်ဖြေပွဲတွေကျင်းပသွားဖို့ရည်မှန်းနေပါတယ်။
Bong I.T