Running Man ဟာ တောင်ကိုးရီးယားရသစုံရှိုးလောကမှာ နာမည်ကြီးလူကြိုက်များတဲ့ရှိုးတစ်ခုဖြစ်ပါတယ်။ အစောပိုင်းကာလတွေတုန်းက ကြည့်ရှုနှုန်းး ၂၀ ကျော်အထိတွေပါရှိခဲ့တဲ့ ဒီရှိုးဟာ နောက်ပိုင်းမှာတော့အဖွဲ့ဝင်အပြောင်းအလဲတွေနှင့် တစ်ခြားအကြောင်းအရာတွေကြောင့် ကြည့်ရှုနှုန်းဟာ ၄ ရာခိုင်နှုန်းလောက်ပဲရှိတော့တာဖြစ်ပါတယ်။

လတ်တလော Lovely Runner ဒရာမာနှင့်နာမည်ကြီးနေတဲ့ မင်းသားဗြောင်ဝူဆော့ ပါဝင်တဲ့အပိုင်းဟာ ကြည့်ရှုနှုန်း ၀.၈ ရာခိုင်နှုန်းတောင်တိုးသွားခဲ့ပါတယ်။ ဗြောင်ဝူဆော့ဟာ ဒီရှိုးကိုအရင်ကတည်းတစ်ခါလာခဲ့ဖူးပါသေးတယ်။ သူငယ်ချင်းဖြစ်တဲ့‌မော်ဒယ် ဂျိုဝူဂျယ်နှင့်အတူလာခဲ့တာပါ။

မင်းသားဗြောင်ဝူဆော့ဟာ Lovely Runner ဒရာမာနှင့်တောက်လျှောက်နာမည်ကြီးနေပြီးတော့ ရသစုံရှိုးတော်တော်များများကိုလည်း သွားနေတာဖြစ်ပါတယ်။ မကြာသေးခင်မှာလည်း ဒရာမာထဲက တွဲဖက်မင်းသမီး ကင်ဟေးယွန်းနှင့်အတူ Salon Drip ဆိုတဲ့ Talk Show တစ်ခုကိုသွားအုံးမှာဖြစ်ပါတယ်။