ဖြတ်သန်းခဲ့ရတဲ့တော်လှန်ရေးအတွေ့အကြုံတွေနဲ့ အရေးတော်ပုံကြီးအောင်မြင်ရင် လုပ်ချင်နေတဲ့ ဆန္ဒလေးတွေကို ရင်ဖွင့်ပြောပြလာတဲ့ ကိုပေါက်

ရုပ်ရှင်နဲ့ဗီဒီယိုသရုပ်ဆောင် ဒါရိုက်တာ ကိုပေါက်ကတော့ လတ်တလောမှာ လွတ်မြောက်နယ်မြေကို ရောက်ရှိနေပြီး တော်လှန်ရေးတိုက်ပွဲကြီးမှာ တစ်ဖက်တစ်လမ်းကနေ ပါဝင်နေသူပဲ ဖြစ်ပါတယ်။ တိုက်ပွဲဝင်သူရဲကောင်းရဲဘော်တွေအတွက် စားဖိုမှူးတာဝန်ယူထားပြီး အစားအသောက်တွေကို အာဟာရရှိရှိချက်ပြုတ်ပေးတဲ့အပြင် အခြားအခန်းကဏ္ဍတွေမှာလည်း ပါဝင်အားဖြည့်နေတာ တွေ့ရပါတယ်။

ပြည်သူတွေလေးစားချစ်ခင်ရတဲ့ အနုပညာရှင်တွေထဲက တစ်ဦးအပါအဝင်ဖြစ်လာတဲ့ ကိုပေါက်ကတော့ သူဖြတ်သန်းခဲ့တဲ့ တော်လှန်ရေးအကြောင်းတွေနဲ့ အရေးတော်ပုံကြီးအောင်မြင်ရင် လုပ်ချင်နေတဲ့ ဆန္ဒလေးတွေကို ဖွင့်ဟပြောပြလာပါတယ်။ (၈၈) အရေးအခင်း၊ ရွှေဝါရောင်တော်လှန်ရေးနဲ့ လက်ရှိနွေဦးတော်လှန်ရေးတွေမှာ ဖြတ်သန်းခဲ့တဲ့ အသက်အရွယ်နဲ့ လက်ရှိလုပ်ဆောင်နေတဲ့ အရာလေးတွေကို ပြောပြထားတာ ဖြစ်ပါတယ်။ 

ကိုပေါက်ကတော့ သူအခုလုပ်နေတဲ့ နိုင်ငံ့အရေးမှာ ပုဂ္ဂိုလ်ရေးအရ တခြားဘာမျှော်လင့်ချက်မှ မထားပေမယ့် ရည်မှန်းချက်တော့ထားပြီး အရေးတော်ပုံကြီးအောင်မြင်လို့ ပြီးဆုံးသွားခဲ့အခါ အိမ်ပြန်ပြီး အေးဆေးအနားယူမယ့်အကြောင်းတွေ ပြောပြထားတာပါ။ လက်ရှိမှာတော့ မိသားစုတွေနဲ့ ဝေးရာ တော်လှန်ရေးနယ်မြေမှာ ပြည်သူတွေအားလုံးရဲ့အနာဂတ်တွေအတွက် တတ်စွမ်းသလောက် အားတက်တရောပါဝင်နေရင်း အခက်အခဲတွေကို ကြိုးစားရင်ဆိုင်နေတာပဲ ဖြစ်ပါတယ်။ 

သတင်း အရင်းအမြစ်៖ Aung Min Naing's Fb Acc