ဒီနေ့ စက်တင်ဘာလ(၁၄)ရက်နေ့ဟာ တောင်ကိုရီးယားနိုင်ငံရဲ့ မင်းသားချော ဖြစ်တဲ့ Lee Jong Suk ရဲ့ (၃၂) နှစ်ပြည့် မွေးနေ့ရက်လေး ဖြစ်ပါတယ်။ Lee Jong Suk ဟာ သူ့ရဲ့ချစ်စရာမျက်နှာလေးနဲ့ ကျစ်လစ်တဲ့ခန္ဓာကိုယ်အချိုးအစားကြောင့် မိန်းကလေးပရိသတ်တွေအသည်းစွဲဖြစ်ကြတဲ့မင်းသားတစ်လက်ပါ။
Lee Jong Suk ဟာ အသက် ၁၅နှစ်အရွယ်တည်းက မော်ဒယ်လ်အဖြစ်စလုပ်ခဲ့တာပါ။ Seoul Collection program ရဲ့အသက်အငယ်ဆုံးအမျိုးသားမော်ဒယ်လ်လည်းဖြစ်ပါတယ်။
ရုပ်လည်းချောသလို ဉာဏ်ကလည်းကောင်း စာတော်တဲ့ကျောင်းသားတစ်ယောက်လည်းဖြစ်ပါသေးတယ်။ Lee Jong Suk ဟာ Konkuk တက္ကသိုလ်ဝင်ခွင့်ရတဲ့ကျောင်းသား ၂၂၀၀ ထဲမှာ တစ်ယောက်အပါအဝင်ပါ။ဒါတောင် ကျောင်းသားအယောက် ၂၁၂၆၈ယောက်ထဲက ဝင်ခွင့်ရတဲ့ကျောင်းသား ၂၂၀၀ ထဲမှာပါဝင်ခဲ့တာပါ။
Lee Jong Suk ဟာ နိုက်ကလပ်တွေဘာတွေလည်းမသွားပဲ သူ့ရဲ့သူငယ်ချင်းတွေနဲ့ ကော်ဖီဆိုင်ထိုင်ပြီး အချိန်ကုန်ဆုံးရတာကိုပိုပြီးသဘောကျပါတဲ့သူပါ။ လေယာဉ်မောင်းသင်တန်းကို သုံးလတက်ပြီး လေယာဉ်မောင်းခဲ့ဖူးပါတယ်တဲ့။
သူ့ရဲ့ပထမဆုံးရုပ်ရှင်ဟာ Sympathy ဖြစ်ပေမဲ့ School 2013 မှာ လူသိများလာခဲ့တာဖြစ်ပါတယ်။ နောက်ပိုင်းမှာတော့ Doctor Stranger ၊ Pinocchio ၊ W ၊ While You Were Sleeping ဇာတ်လမ်းတွဲတွေနဲ့ အခုလိုနှုတ်ခမ်းနီမလေးတွေအသည်းစွဲဖြစ်လာတာပေါ့နော်။