ပြီးခဲ့တဲ့ တနင်္ဂနွေနေ့က New York မြို့မှာ ကျင်းပပြုလုပ်ခဲ့တဲ့ MTV Video Music Awards ပွဲမှာ Conor McGregor နဲ့ Machine Gun Kelly တို့ ပြဿနာတစ်ခု ဖြစ်ခဲ့ပါတယ်။ Conor McGregor က ကမ္ဘာကျော် UFC အားကစားသမားတစ်ယောက်ဖြစ်ပြီး Machine Gun Kelly ကလည်း နာမည်ကြီး Rapper အဆိုတော်တစ်ဦး ဖြစ်ပါတယ် ။ ဒီပွဲမှာ သူတို့နှစ်ယောက်က ပွဲမစခင် Red Carpet မှာတင် ပြဿနာဖြစ်ပွားခဲ့ပြီး Conor McGregor ဘက်က ထိုးကြိတ်တော့မယ့် အနေအထားအထိ ဖြစ်သွားခဲ့တာ ဖြစ်ပါတယ် ။
နိုင်ငံတကာသတင်းမီဒီယာတွေမှာ ရေးသားထားတာကတော့ Conor က MGK ကို ဓာတ်ပုံတွဲရိုက်ဖို့ သွားပြောတာကို MGK ဘက်က ငြင်းဆိုလိုက်တယ်လို့ ဖော်ပြထားကြပါတယ်။ Machine Gun Kelly ကဓာတ်ပုံအရိုက်မခံတဲ့အပြင် Conor ကိုတွန်းထုတ်လိုက်တယ်လို့ ရေးသားထားတာတွေလည်း တွေ့ရပါတယ်။ ဒါကြောင့် Conor McGregor က ဒေါသထွက်သွားပြီး MGK ကိုထိုးဖို့ လက်ရွယ်ခဲ့ပေမယ့် လုံခြုံရေးတွေ ဝိုင်းတားလိုက်တာကြောင့် ထိုးကြိတ်တဲ့အထိ ဖြစ်မသွားခဲ့ဘူးလို့လည်း သိရပါတယ်။
ဒါပေမဲ့ Conor က MGK ကို လက်ထဲက အအေးခွက်နဲ့ပက်လိုက်တဲ့ ဗီဒီယိုဖိုင်တစ်ခုကလည်း Social Media ထက်မှာ အတော်လေးကို ပျံ့နှံ့သွားခဲ့တာ ဖြစ်ပါတယ် ။ နိုင်ငံတကာမီဒီယာတွေကတော့ ဒီအကြောင်းကို အကျယ်တဝင့် ရေးသားပြီး ဖော်ပြခဲ့ကြတာ ဖြစ်ပါတယ် ။ ဒီပွဲမှာ MGK က သူ့ရဲ့ချစ်သူ Megan Fox နဲ့အတူ ပွဲတက်လာခဲ့တာဖြစ်ပြီး Conor ကလည်း သူ့ရဲ့ဇနီးလောင်း Dee Devlin နဲ့အတူ တက်ရောက်လာခဲ့တာ ဖြစ်ပါတယ် ။ VMA's Red Carpet ထက်မှာ MGK ကို အအေးခွက်နဲ့ပက်ခဲ့တဲ့ Conor ရဲ့ဗီဒီယိုကိုလည်း ဖော်ပြပေးလိုက်ရပါတယ်။
Source & Photo Credit-Loudwire,buzzfeednews & bjpenn
Video Credit-Bleacher Report