မြောက်ဒဂုံက အကူညီလိုအပ်နေတဲ့ အိမ်ခြေ (၁၀၀) စာအတွက် အလှူငွေတွေ ရက်ရက်ရောရောလှူဒါန်းပေးခဲ့တဲ့ မမဆောင်းရဲ့ဗီဒီယို

စကားပြောပွင့်လင်းပြီး ရိုးသားတဲ့မမဆောင်းတစ်ယောက် ဒီနေ့မှာလည်း သူမရဲ့ We Love တွေနဲ့အတူ မြောက်ဒဂုံ အောင်ချမ်းသာ (၄) ရပ်ကွက်က အိမ်ခြေ (၁၀၀) စာအတွက် အလှူငွေတွေလှူဒါန်းပေးခဲ့ပါ တယ်။ မြန်မာဝတ်စုံလေးတွေကို မြတ်မြတ်နိုးနိုးဝတ်ပြီး ပရိသတ်တွေကို ရယ်မောပျော်ရွှင်ရအောင် အမျိုးမျိုးစနောက်တတ်တဲ့ မမဆောင်းဟာ လိုအပ်နေတဲ့ပြည်သူတွေအတွက်ကိုလည်း လက်မနှေးဘဲ ရက်ရက်ရောရော လှူဒါန်းပေးခဲ့ပါတယ်။

သူမရဲ့အလှူလေးကို Live လွှင့်ပြီး အားလုံးမုဒိတာပွားနိုင်အောင် ဝေမျှပေးခဲ့ပါသေးတယ်။ သူမကိုချစ်တဲ့ We Love တွေနဲ့အတူ အလှူလုပ်ခဲ့တဲ့ပုံလေးတွေကိုလည်း လူမှုကွန်ယက်မှာ ထပ်မံတင်ခဲ့ပါသေးတယ်။ အနုပညာအလုပ်တွေကိုကြိုးစားလုပ်ခဲ့ပြီး ကိုယ်ရတဲ့ အနုပညာကြေးတွေကိုလည်း လိုအပ်နေသူတွေ အတွက် ပြန်လည်လှူဒါန်းပေးခဲ့တာလည်း ကောင်းမွန်တဲ့လုပ်ရပ်တစ်ခုပါ။ မမဆောင်းရဲ့အလှူအတွက် သာဓုခေါ်ကြတဲ့ ပရိသတ်တွေလည်း မနည်းမနောပါပဲ။

လက်ရှိမှာ လူတိုင်းနီးပါးကျပ်တည်းနေကြတာကြောင့် ပိုပြီးခက်ခဲနေတဲ့ အခြေခံလူတန်းစားတွေကို အခုလိုလှူဒါန်းပေးတာ တကယ်ကိုကောင်းမွန်ပါတယ်။ ကိုယ်လှူလိုက်တဲ့ ဒါနလေးကြောင့် အဆင်မပြေတဲ့အခိုက်အတန့်တွေကို ခဏပဲဖြစ်ဖြစ် ကျော်လွှားနိုင်ခဲ့တယ်ဆိုတာ တကယ်ကို ပီတိဖြစ်စရာပါ။ နောက်လည်းဒီထက်မကတဲ့ အလှူတွေကို လုပ်နိုင်ပါစေ မမဆောင်းရေ။

သတင်း အရင်းအမြစ်៖ မမဆောင်း's FB Acc