အဆိုတော် အောင်ရင်ကတော့ ယနေ့မှာပဲ သူ့ရဲ့လူမှုကွန်ယက်စာမျက်နှာထက်မှာ ဒေါ်အောင်ဆန်းစုကြည်နဲ့ ပတ်သက်ပြီး စာတစ်ချို့ ရေးသားထားတာ တွေ့ရပါတယ်။ အောင်ရင်က မနေ့ညကပဲ သူ့ရဲ့အိပ်မက်ထဲမှာ ဒေါ်အောင်ဆန်းစုကြည်ကို ထူးထူးခြားခြား အိပ်မက်မက်ခဲ့ကြောင်း ပြောပြထားတာ ဖြစ်ပါတယ်။ ဒီနေ့မှာတော့ အောင်ရင်က ညကအိပ်မက်အကြောင်း ဇနီးဖြစ်သူကိုပြောပြနေချိန်မှာပဲ အမေစုရဲ့ကျန်းမာရေးသတင်းကို ကြားလိုက်ရတာ ဖြစ်ပါတယ် ။

အောင်ရင်က " အမေစုရယ်၊ ကော်နီရယ် ကျွန်တော်က အိမ်ကိုထမင်းစားဖို့ ခေါ်လာတာတဲ့ အိမ်ရောက်တော့ ဟင်းကတစ်မျိုးတည်းဖြစ်နေလို့ ညီထွေးကို သွားဝယ်ခိုင်းတယ်ဆိုပြီးမက်တယ်" ဆိုပြီး သူ့ရဲ့အိပ်မက်အကြောင်းကို လူမှုကွန်ယက်စာမျက်နှာကတစ်ဆင့် ရေးသားပြောပြထားတာ ဖြစ်ပါတယ် ။ တရားရုံးသွားနေရင်းနဲ့ ခေါင်းမူးလို့ ပြန်သွားရတဲ့ အမေစုရဲ့သတင်းကိုကြားပြီး အောင်ရင်က သူ့အနေနဲ့ စိတ်ပူနေကြောင်း ပြောပြလာခဲ့တာ ဖြစ်ပါတယ် ။

ဒါကြောင့် အောင်ရင်က နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ရဲ့ကျန်းမာရေးအတွက် စိတ်ပူပြီး ဆုတောင်းပေးထားတာလည်း တွေ့ရပါတယ်။ လက်ရှိမှာတော့ အောင်ရင်က သူ့ရဲ့ဇနီး၊သမီးလေးတို့နဲ့အတူ လန်ဒန်မှာပဲ အခြေချနေထိုင်နေတာ ဖြစ်ပါတယ် ။ အမေစုကို အိပ်မက်မက်ခဲ့တဲ့အကြောင်းပြောပြရင်းနဲ့ စိတ်ပူနေတဲ့ အဆိုတော်အောင်ရင်ရဲ့စာကိုလည်း ပြန်လည်ဖော်ပြပေးလိုက်ရပါတယ်။

Source & Photo Credit-Aung Yin's FB Acc