ရထားသံလမ်းဘေးမှာ နေထိုင်ကြတဲ့ ကျူးအိမ်ထောင်စုတွေရဲ့ စားဝတ်နေရေး အခက်အခဲကို တတ်နိုင်သလောက် ကူညီဖြေရှင်းပေးခဲ့တဲ့ ဝေဠုကျော်

ဝေဠုကျော်ကတော့ အခုလို အခြေအနေတွေမှာလည်း ပြည်သူတွေနဲ့အတူ ရပ်တည်နေသူပဲ ဖြစ်ပါတယ်။ ဒီကာလတွေမှာ အဆင်မပြေကြတဲ့ ပြည်သူတွေ များပြားလွန်းလို့ လိုအပ်တဲ့နေရာတွေကို သေချာ စီစစ်ပြီး တတ်နိုင်သလောက် အခြေခံ စားသောက်ကုန်တွေ ပေးဝေလှူဒါန်းကာ အစွမ်းကုန် ဖေးမကူညီနေတာလည်း ဖြစ်ပါတယ်။

ဒါ့အပြင် ကိုဗစ်ရောဂါတွေ ဖြစ်ပွားနေချိန်မှာလည်း လူနာတွေအတွက် အောက်ဆီဂျင်အိုးများ လှူဒါန်းကာကူညီပေးလျက်ရှိပါတယ် ။ သူအနေနဲ့ ကိုဗစ်ရောဂါ ကူးစက်ခံထားရတဲ့ လူနာတွေရဲ့ ကိစ္စဝဝအပြင် သေဆုံးသူတွေရဲ့ ရုပ် အလောင်းတွေကိုလည်း သူကိုယ်တိုင် PPE ဝတ်ပြီး စနစ်တကျ သယ်ယူကာ နေ့ရော ညရော ကူညီပေးနေတာကြောင့် ပရိသတ်တွေက လေးစားအားကျခဲ့ရတာပါ ။

မျိုးစုံသော ပရဟိတ အလုပ်တွေနဲ့ မအားလပ်နေတဲ့ ဝေဠုကျော်က အခုလည်း ရထားသံလမ်းဘေးက ကျူးရပ်ကွက်မှာ နေထိုင်တဲ့ အိမ်ထောင်စုတွေ အတွက် စားဝတ်နေရေး အဆင်ပြေစေရန် ရည်ရွယ်ပြီး ပုဇွန် ၊ ဆီနဲ့ ဆန်များကို ပေးဝေ လှူဒါန်းခဲ့ပါတယ် ။ ခက်ခဲနေတဲ့ ကာလမို့ လက်ခံရရှိသူတွေ ဘယ်လောက် ပီတိဖြစ်လိုက်မလည်း ။ ပရိသတ်ကြီးအတွက် ဝေဠုကျော်ရဲ့ အလှူလေးကို ပြန်လည် ဖော်ပြပေးရင်း ဒီထက်မက လှူနိုင်ပါစေ ဆုတောင်းပေးလိုက်ပါတယ် ။