ဝေဠုကျော်ကတော့ အခုလို အခြေအနေတွေမှာလည်း ပြည်သူတွေနဲ့အတူ ရပ်တည်နေသူပဲ ဖြစ်ပါတယ်။ ဒီကာလတွေမှာ အဆင်မပြေကြတဲ့ ပြည်သူတွေ များပြားလွန်းလို့ လိုအပ်တဲ့နေရာတွေကို သေချာ စီစစ်ပြီး တတ်နိုင်သလောက် အခြေခံ စားသောက်ကုန်တွေ ပေးဝေလှူဒါန်းကာ အစွမ်းကုန် ဖေးမကူညီနေတာလည်း ဖြစ်ပါတယ်။

Photo Credit : Wailu Kyaw Facebook Page 
Photo Credit : Wailu Kyaw Facebook Page 

ဒါ့အပြင် ကိုဗစ်ရောဂါတွေ ဖြစ်ပွားနေချိန်မှာလည်း လူနာတွေအတွက် အောက်ဆီဂျင်အိုးများ လှူဒါန်းကာကူညီပေးလျက်ရှိပါတယ် ။ သူအနေနဲ့ ကိုဗစ်ရောဂါ ကူးစက်ခံထားရတဲ့ လူနာတွေရဲ့ ကိစ္စဝဝအပြင် သေဆုံးသူတွေရဲ့ ရုပ် အလောင်းတွေကိုလည်း သူကိုယ်တိုင် PPE ဝတ်ပြီး စနစ်တကျ သယ်ယူကာ နေ့ရော ညရော ကူညီပေးနေတာကြောင့် ပရိသတ်တွေက လေးစားအားကျခဲ့ရတာပါ ။

Photo Credit : Wailu Kyaw Facebook Page 
Photo Credit : Wailu Kyaw Facebook Page 

မျိုးစုံသော ပရဟိတ အလုပ်တွေနဲ့ မအားလပ်နေတဲ့ ဝေဠုကျော်က အခုလည်း ရထားသံလမ်းဘေးက ကျူးရပ်ကွက်မှာ နေထိုင်တဲ့ အိမ်ထောင်စုတွေ အတွက် စားဝတ်နေရေး အဆင်ပြေစေရန် ရည်ရွယ်ပြီး ပုဇွန် ၊ ဆီနဲ့ ဆန်များကို ပေးဝေ လှူဒါန်းခဲ့ပါတယ် ။ ခက်ခဲနေတဲ့ ကာလမို့ လက်ခံရရှိသူတွေ ဘယ်လောက် ပီတိဖြစ်လိုက်မလည်း ။ ပရိသတ်ကြီးအတွက် ဝေဠုကျော်ရဲ့ အလှူလေးကို ပြန်လည် ဖော်ပြပေးရင်း ဒီထက်မက လှူနိုင်ပါစေ ဆုတောင်းပေးလိုက်ပါတယ် ။

Photo Credit : Wailu Kyaw Facebook Page 
Source & Photo Credit : Wailu Kyaw Facebook Page 

"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။