ကိုဗစ်ကူးစက်ခံထားရပြီး အနံ့ပျောက်နေပြီဖြစ်ကြောင်း ပရိသတ်တွေကိုအသိပေးလာတဲ့ လူရွှင်တော် ဦးငြိမ်းချမ်း

ကူးစက်မှုတွေတစ်ကျော့ပြန်လည်ဖြစ်ပေါ်နေတဲ့ ကိုဗစ် Third waveရဲ့အရှိန်ကြောင့် မြန်မာပြည်သူအတော်များများလည်းကူးစက်ခံနေရပြီး အနုပညာရှင်အချို့လည်းကူးစက်ခံနေရကာ အသက်ဆုံးရှုံးမှုတွေအထိဖြစ်ပေါ်နေတာဖြစ်ပါတယ်။ ကိုဗစ်ကြောင့်သေဆုံးရတဲ့ ပြည်သူချစ်အနုပညာရှင်ကြီးတွေလည်း တစ်နေ့တခြားများပြားလာနေပြီး အောက်ဆီဂျင်ပြတ်လပ်မှုတွေကြောင့် အများစုမှာသေဆုံးနေကြရတာတွေ့ရပါတယ်။

မကြာသေးမီကလည်း လူရွှင်တော်ဦးငြိမ်းချမ်းဟာ ကိုဗစ်ကူးစက်ခံထားရကြောင်း သူ့ရဲ့ Facebookစာမျက်နှာကနေတစ်ဆင့်အသိပေးလာခဲ့ပါတယ်။ "ဒီနေ့ အနံ့ပျောက်သွားပီး ဖျားနေပီ ကိုယ်ခန္ဓာတခုလုံး အသားတွေနာတယ် အကြောတွေတက်နေတယ် ငါမရှိလို့မဖြစ် ငါ့မိသားစုအတွက်ငါနေကောင်းရမယ် အကောင်းဆုံးကျော်ဖြတ်နိုင်ရမယ်...."ဆိုပြီး ရေးသားထားခဲ့တာဖြစ်ပါတယ်။

ဦးငြိမ်းချမ်းအခုလို ကိုဗစ်ကူးစက်ခံထားရတာကြောင့် ပရိသတ်တွေလည်းစိတ်မကောင်းဖြစ်ကြပြီး အားပေးစကားတွေပြောပေးနေကြတာတွေ့ရပါတယ်။ ပရိသတ်တွေကိုရယ်မောပျော်ရွှင်စေနိုင်တဲ့ ဦးငြိမ်းချမ်းတစ်ယောက် အသက်အရွယ်လည်းကြီးရင့်နေပြီဖြစ်တာကြောင့် ပရိသတ်တွေကစိုးရိမ်ပူပန်နေကြတာလည်းဖြစ်ပါတယ်။ ပရိသတ်တွေအတွက် ပြန်လည်ဖော်ပြပေးလိုက်ပါတယ်။

သတင်း အရင်းအမြစ်៖ Nyein Chan's Facebook acc