ကိုဗစ်တတိယလှိုင်း စတင်ဖြစ်ပွားလာတဲ့အချိန်မှာတော့ အသက်ဆုံးရှုံးနေရတဲ့ ပြည်သူဦးရေက တစ်နေ့ထက်တစ်နေ့ ပိုမိုများပြားလာတာ တွေ့ရပါတယ်။ သုသာန်တွေမှာပါ ရုပ်အလောင်းတွေတန်းစီနေတာကြောင့် မီးသင်္ဂြိုဟ်ဖို့ မနိုင်တော့တဲ့ အခြေအနေကိုပါ ရောက်ရှိနေတာပဲ ဖြစ်ပါတယ် ။ ကိုဗစ်ကူးစက်ခံရသူ အများစုက အောက်ဆီဂျင်ကျချိန်မှာ အချိန်မီလုံလုံလောက်လောက်မရတာကြောင့် အသက်ဆုံးရှုံးနေရတာလည်း ဖြစ်ပါတယ် ။

Photo Credit-"Sein Phyo & Yi" FB Page
Photo Credit-Sein Phyo Hlaing's FB Acc

သရုပ်ဆောင်မောင် (ခေါ်) ဒေါက်တာစိန်ဖြိုးလှိုင်ကလည်း အခုလိုကာလမှာ ပြည်သူတွေအတွက် ကျန်းမာရေးဗဟုသုတတွေကို ပုံမှန်မျှဝေပေးနေသူတစ်ဦး ဖြစ်ပါတယ် ။ အခုလည်း ဒေါက်တာစိန်ဖြိုးလှိုင်က ကိုဗစ်ကြောင့် ရေချိုးလို့မရဘူးလို့ ပြောတာမဟုတ်ကြောင်း ပြည်သူတွေကို ရှင်းပြထားတာတွေ့ရပါတယ်။ စိန်ဖြိုးလှိုင်က သူ့ရဲ့လူမှုကွန်ယက်စာမျက်နှာကတစ်ဆင့် အားလုံးသိချင်နေတဲ့ မေးခွန်းတွေကို ဖြေကြားပေးထားတာပဲ ဖြစ်ပါတယ် ။

Photo Credit-Sein Phyo Hlaing's FB Acc
Photo Credit-"Sein Phyo & Yi" FB Page

ကိုဗစ်ဖြစ်နေချိန်မှာ အောက်ဆီဂျင်ကျနေတဲ့သူက လှုပ်လှုပ်ရှားရှားလုပ်ရင် အောက်ဆီဂျင်ပိုကျတာတွေဖြစ်နိုင်တဲ့အတွက် ရေချိုးခြင်းက လူနာကိုပိုမောစေကြောင်း သူကပြောပြထားတာ ဖြစ်ပါတယ် ။ အဖျားမရှိတော့တဲ့သူတွေအနေနဲ့ ရေချိုး၊ခေါင်းလျှော်တာမျိုး ပြုလုပ်နိုင်သလို အဖျားရှိတဲ့သူတွေဆိုရင်တော့ ရေပတ်တိုက်တာမျိုး ပြုလုပ်နိုင်တယ်လို့လည်း သူက ရေးသားထားပါသေးတယ်။ ဒါ့အပြင် ရေချိုးလို့ ပြန်ဖျားတယ်ဆိုပြီးပြောတဲ့သူတွေကို စိန်ဖြိုးက ဆင်ခြင်သင့်တဲ့အချက်တွေကို သေချာရှင်းပြထားတာလည်း တွေ့ရပါတယ်။ ဒေါက်တာစိန်ဖြိုးလှိုင်မျှဝေထားတဲ့စာလေးကို ဗဟုသုတရစေဖို့အတွက် ပြန်လည်ဖော်ပြပေးလိုက်ပါတယ်။

Source & Photo Credit-"Sein Phyo & Yi" FB Page

Photo Credit-"Sein Phyo & Yi" FB Page
Photo Credit-"Sein Phyo & Yi" FB Page
Photo Credit-"Sein Phyo & Yi" FB Page

"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။