အာဏာသိမ်းမှုဖြစ်ပွားအပြီး တိုင်းပြည်ရဲ့ စီးပွားရေး၊နိုင်ငံရေးအခြေအနေတွေ ဆိုးရွားလာမှုတွေနဲ့အတူ လူလိမ်တွေ၊သူခိုးတွေဟာလည်း အရင်ကထက် ပိုမိုများပြားလာနေခဲ့ပါတယ်။ပြည်သူတွေရဲ့ဘဝဟာ အေးချမ်းလုံခြုံမှုမရှိတော့ဘဲ ခိုးယူလုယက်ခံရတဲ့သတင်းတွေလည်း လူမှုကွန်ယက်စာမျက်နှာထက်မှာ မကြာခဏတွေ့မြင်နေရပါတယ်။ လက်ရှိနိုင်ငံရေးအခြေအနေတွေ၊ကိုဗစ်တွေနဲ့ ခိုးယုလုယက်ခံရမှုတွေကြောင့် ပြည်သူတွေဟာ ကျီးလန့်စာ စားနေရတဲ့အဖြစ်ကို ရောက်ရှိနေခဲ့ပါတယ်။
ယခုမှာတော့ သရုပ်ဆောင်လမင်းကဗျာတစ်ယောက် သူမကိုလူတစ်ယောက်က ခြိမ်းခြောက်စာတွေပို့နေကြောင်း ပရိသတ်တွေကို ပြောပြလာခဲ့ပါတယ်။ သူမကို ဒလန်လို့စွပ်စွဲပြီး ခြိမ်းခြောက်စာတွေပို့နေတဲ့အပြင် ငွေ(၃)သိန်းပါတောင်းနေတဲ့အကြောင်း သက်သေတွေနဲ့တကွ ဖွင့်ဟလာခဲ့တာဖြစ်ပါတယ်။ အဆိုပါခြိမ်းခြောက်စာတွေထဲမှာ သရုပ်ဆောင်လမင်းကဗျာရဲ့ဆိုင်ကို ဖျက်ဆီးပစ်မယ့်အကြောင်း၊ငွေမပို့ပေးရင်အလွတ်မပေးမယ့်အကြောင်း၊ မိသားစုဝင်တွေကိုလည်းသိရှိကြောင်း စတဲ့ အကြောင်းအရာတွေပါဝင်ပါတယ်။
ပရိသတ်တွေက သူမကိုသတိထားနေထိုင်ဖို့၊ဒီကိစ္စနဲ့ပတ်သက်ပြီးဂရုမစိုက်ဖို့ အားပေးစကားတွေပြောဆိုနေကြပါတယ်။ သူမကတော့ " နိုင်ငံရေးကမကောင်း ကိုဗစ်ကြောင့် လူတွေ စိတ်ညစ်နေရတဲ့အချိန်မှာ ဒလန်လို့စွပ်စွဲပြီး ခြိမ်းခြောက်စာပို့ ငွေညှစ်တဲ့ သူကရှိသေးတယ် ပိုက်ဆံ (၃)သိန်းကို waveနဲ့ပို့ပေးရမယ်တဲ့ "ဆိုပြီး လူမှုကွန်ယက်စာမျက်နှာထက်မှာ ရေးသားထားခဲ့တာပဲဖြစ်ပါတယ်။ သရုပ်ဆောင်လမင်းကဗျာကို ခြိမ်းခြောက်ပြောဆိုပြီး ငွေညှစ်နေတဲ့ Screen Shotတွေကို ပရိသတ်တွေအတွက် ပြန်လည်ဖော်ပြပေးလိုက်ရပါတယ်။
Source: lamin kabyar ' s facebook acc