ငယ်ရွယ်နုပျိုမှုတွေနဲ့အတူ အောင်မြင်မှုတွေပါရရှိထားပြီး Transgenderအလှမယ်တစ်ယောက်အနေနဲ့ လူသိများထင်ရှားတဲ့ မေသစ္စာမောင်က ယမန်နေ့ ဇွန်လ(၇)ရက်နေ့ညမှာတော့ ကား accidentဖြစ်ကာ သေဆုံးသွားခဲ့တာဖြစ်ပါတယ်။ မေသစ္စာမောင်က အပြင်ရောက်နေတုန်းအချိန်လေးမှာ သူမရဲ့ ခွေးလေးမီးဖွားခါနီးဖြစ်နေတယ်လို့သိရတဲ့အတွက် ရရာ Taxiငှားကာအိမ်ပြန်လာစဉ် တစ်ဖက်လမ်းကြောကကားကနေ ၀င်တိုက်ခဲ့တာကြောင့် သေဆုံးသွားခဲ့တာဖြစ်ပါတယ်။
ယာဉ်တိုက်မှုကြောင်း မေသစ္စာမောင်အပါအ၀င် Taxiသမားလင်မယားနှစ်ယောက်လည်းသေဆုံးခဲ့ရပြီး ထိခိုက်ဒဏ်ရာရတဲ့သူတွေလည်းရှိခဲ့တာဖြစ်ပါတယ်။ သေဆုံးခဲ့ရတဲ့ Taxiသမားလင်မယားနှစ်ယောက်မှာ သားလေးတစ်ယောက်ကျန်ခဲ့ပြီး ၁၆နှစ်အရွယ်ပဲရှိသေးတယ်လို့သိရပါတယ်။ ယာဉ်တိုက်မှုဖြစ်စဉ်ကို Taxiသမားရဲ့ အမှားလို့ ဝေဖန်မှုတွေရှိနေပေမယ့်လည်း အခုအခါမှာတော့ ယာဉ်တိုက်မှုရဲ့ဖြစ်စဉ်မှန် CCTV ဗီဒီယိုတစ်ခုထွက်ပေါ်လာခဲ့တာဖြစ်ပါတယ်။
မေသစ္စာမောင်စီးလာတဲ့ Taxiက မီးပွိုင့်မှာမီးစိမ်းပြတဲ့အတွက် မောင်းထွက်လာစဉ် တစ်ဖက်ယာဉ်ကြောကကားက အလယ်ကနေအရှိန်နဲ့ဖြတ်တိုက်ခဲ့တာဖြစ်ပါတယ်။ ဗီဒီယိုထဲမှာဆိုရင် အရှိန်ပြင်းပြင်းနဲ့တိုက်လိုက်တဲ့အတွက် လမ်းထောင့်အထိ Taxiကလွင့်ထွက်သွားတာပါ။ ဒီဖြစ်စဉ်နဲ့ပက်သက်ပြီး အမှုကြားနာမှုစတင်နေပြီလို့သိရပါတယ်။ ပရိသတ်တွေအတွက် ဒီဗီဒီယိုမှတ်တမ်းလေးကို ပြန်လည်မျှဝေပေးလိုက်ပါတယ်။
သတင်း အရင်းအမြစ်៖ Myanmarload
Bong I.T