တိုင်းပြည်မငြိမ်သက်ဖြစ်ကတည်းက ပြည်သူတွေနဲ့တစ်သားတည်းရပ်တည်ပေးခဲ့တဲ့ ခင်သဇင်ဟာ လက်ရှိမှာတော့ စိတ်ရောလူရော အတော်လေးကိုပင်ပန်းနေခဲ့ပါတယ်။ ပြီးခဲ့တဲ့ရက်တွေတုန်းက အင်တာနက်မရတာကြောင့် ပရိသတ်တွေနဲ့ အချိန်အနည်းငယ် အဆက်သွယ် ပြတ်သွားခဲ့ပါသေးတယ်။ ဒီနောက်မှာတော့ အအိပ်အစားမမှန်သလို စိတ်ဖိစီးမှုတွေလည်း ရှိလာတာကြောင့် ဝက်ခြံတွေပေါက်လာ ခဲ့တာ ပါးတစ်ပြင်လုံး ပြည့်လုနီးပါးပါပဲ။ အလှအပနဲ့ ပတ်သက်ပြီး အလုပ်လုပ်နေရသူမို့ ဒီလိုဖြစ်လာတာ ဟာ သူမအတွက်တော့ တကယ့်ကို အိပ်မက်ဆိုးတစ်ခုလိုပါပဲ။

Photo Credit - Khin Thazin's FB Acc

ပျော်စရာရှာဖို့တောင်အကြောင်းပြချက်မဲ့နေပြီး ဘာလုပ်လို့ ဘာကိုင်ရမှန်းမသိတဲ့အကြောင်းနဲ့ မပြေလည်တာတွေကိုစဉ်းစားရင် မျက်ရည်တွေပဲကျနေရပြီး ဘာမှရေရေရာရာမလုပ်ဖြစ်သေး ဘူးလို့ဆိုပါတယ်။ အားလုံးစိတ်ညစ်နေတာ အတူတူပဲမို့ သူမရဲ့အပူတွေကိုလည်း အများကြီးချမပြခဲ့ပါဘူး။ ပြည်သူတွေအားလုံး အဆင်ပြေစေဖို့မျှော်လင့်တဲ့အကြောင်းတော့ ပြောပြခဲ့ပါတယ်။

Photo Credit - Khin Thazin's FB Acc
Photo Credit - Khin Thazin's FB Acc

နေ့စဉ်နဲ့အမျှစိတ်ညစ်နေရတဲ့ သူမရဲ့ရင်ထဲကအပူမီးတွေကို " ကျွန်မ ဘယ်နေ့မှမပျော်ပါ " " ပြည်သူတွေ ကျပ်တည်းခြင်း ငတ်မွတ်ခေါင်းပါးခြင်း ကင်းဝေးကြပါစေ " " အပူသည်က ရေခဲရေသောက်လိုက်လို့ အေးချမ်းသွားရောလား " ဆိုပြီး ဖေ့ဘွတ်မိုင်ဒေးမှာ ရင်ဖွင့်ပြောပြလာခဲ့ပါတယ်။ အားလုံးရဲ့ရင်ထဲကအပူမီး တွေကတော့ အတူတူပါပဲ။ ပရိသတ်တွေအပေါ် စေတနာထားတဲ့ဇင်လေးကို ပရိသတ်တွေကလည်း တန်ပြန်မေတ္တာနဲ့ အဆင်ပြေစေဖို့အတွက် ဆုတောင်းပေးခဲ့ကြပါတယ်။

Photo Credit - Khin Thazin's FB Acc
Photo Credit - Khin Thazin's FB Acc

သတင်းအရင်းမြစ်: Khin Thazin's FB Acc

"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။