ဆွဲဆောင်မှုရှိတဲ့ အသံချိုချိုအေးအေးလေးနဲ့ ဂီတအနုပညာပိုင်းမှာ သီချင်းကောင်းတွေများစွာ ထွက်ရှိထားကာ ပရိသတ်အားပေးမှုတွေနဲ့ အောင်မြင်နေသူကတော့ အဆိုတော်မေခလာပဲ ဖြစ်ပါတယ်..။
ချစ်ငယ်လို့ အားလုံးက ချစ်စနိုးခေါ်ကြတဲ့ မေခလာကတော့ လက်ရှိအခြေအနေတွေမှာလည်း ပြည်သူတွေနဲ့အတူ ရပ်တည်ကာ အလှူအတန်းတွေကို တတ်နိုင်သလောက် ပြုလုပ်နေတာ ဖြစ်ပါတယ်..။
လိုအပ်နေသူတွေအတွက် လှူဒါန်းမှုတွေလည်း ပြုလုပ်နေတဲ့ ချစ်ငယ်ကတော့ ဒီကနေ့မှာလည်း သူမရဲ့မွေးနေ့အလှူအဖြစ် ပညာမြေကျောင်းက သံဃာတော်တွေနဲ့ မိဘမဲ့ကလေးတွေအတွက် လှူဒါန်းမှုတွေ ပြုလုပ်ခဲ့ပြန်ပါတယ်..။
ပုလဲမြို့သစ် ပညာမြေကျောင်းမှာ သံဃာတော်တွေကို နေ့ဆွမ်းနဲ့ ဝတ္တုငွေတွေကပ်လှူခဲ့တဲ့အပြင် မိဘမဲ့ကလေးငယ်တွေအတွက်လည်း အာဟာရဒါနအလှူတွေပြုလုပ်ကာ မွေးနေ့ကုသိုလ်ယူရင်း ဆုတောင်းစကားတွေလည်း ဆိုထားတာ ဖြစ်ပါတယ်..။
"ပုလဲမြို့သစ် ပညာမြေကျောင်း သင်္ကန်းကျွန်းကြီးမှာ ချစ်ငယ်မွေးနေ့ အလှုလေး လုပ်ခဲ့ပါတယ်
မိဘမဲ့ ကလေးတွေကိုပြုစု့စောင့်ရှောက်နေတဲ့ ဆရာတော်ဘုရား သက်တော်ရာကျော်ရှည်ပါစေ ???
နေ့ဆွမ်းအလှုနဲ့ ဝတ္ထုငွေ ၅ သိန်း လှုခဲ့ပါတယ်
ဒီချိန်မှာ လိုအပ်တဲ့နေရာတွေမှာ အများကြီးလှုချင်ပေမယ့် အခွင့်ရေးမရခဲ့ပါဘူး
နောက်နှစ်တွေမှာ အများကြီးလှူနိုင်ရပါစေ တပည့်တော်မရဲ့ လက်တစုံသည် အများအတွက်ပေးဆပ်နိုင်တဲ့သူ ဖြစ်ရပါစေသား ???.." ဆိုပြီး အလှူပုံရိပ်တွေကို ဝေမျှထားတာပါ..။
ချစ်ငယ်ရဲ့ မွန်မြတ်တဲ့မွေးနေ့အလှူ ကုသိုလ်ပုံရိပ်တွေကို ပရိသတ်တွေကလည်း သာဓုခေါ်ဆုတောင်းစကားတွေနဲ့ အားပေးထားကြတာလည်း တွေ့ရပါတယ်..။
သတင်း အရင်းအမြစ်៖ May KhaLar's Fb Acc