တစ်နှစ်မှတစ်ခါပဲကျရောက်တဲ့မွေးနေ့ကို လူတိုင်းကပျော်ပျော်ရွှင်ရွှင်ဖြတ်သန်းချင်ကြပါတယ်။ (၂၀၂၁) ရဲ့ နှစ်အစပိုင်းမှာကတည်းက နိုင်ငံရေးမငြိမ်သက်မှုတွေရှိလာခဲ့ပြီးနောက် လက်ရှိအချိန်ထိလည်း အထိကရုဏ်းတွေကြားထဲမှာ ပြည်သူတွေဟာအထိတ်တလန့်နဲ့ ဖြတ်သန်းနေခဲ့ရပြီး လတိုင်း ရက်တိုင်းမှာ ကျရောက်လာတဲ့မွေးနေ့ရှင်တွေဟာလည်း အပြည့်အဝမပျော်ရွှင်နိုင်ခဲ့ကြပါဘူး။ ဒီနေ့မှာလည်း ဒါရိုက်တာမောင်မျိုးမင်းက ချစ်ခင်ရတဲ့သမီးလေးရဲ့မွေးနေ့မှာ အမှတ်တရဖြစ်အောင် ဖန်တီးပေးခဲ့ပါတယ်။

Photo Credit - Maungmyomin Yintwinphyit's FB Acc

ဘယ်လိုအခြေအနေတွေပဲဖြစ်နေပါစေ ချစ်ရတဲ့သမီးလေးရဲ့မွေးနေ့မှာ ပန်းစည်းလေးတစ်လက်တော့ လက်ဆောင်အဖြစ်ပေးပြီး ချစ်သမီးလေးကိုပျော်စေခဲ့ပါတယ်။ သမီးအတွက်မွေးနေ့ဆုတောင်းကိုလည်း " မွေးနေ့ဟာပျော်ရွှင်စရာကာလမှာ မကျရောက်ခဲ့ပေ မယ့် မကြာခင်ပျော်ရွှင်ခြင်းအစစ်တွေနဲ့ ပျော်နိုင်ပါစေ။ မျက်တောင်တစ်ချက်ခပ်လိုက်တိုင်း အနိဌာရုံတစ်ခုပျောက်ဆုံးပါစေ။ လောကကောင်းကျိုး မပြတ်သယ်ပိုး နိုင်ပါစေ။ ကျန်းမာပျော်ရွှင်သီလစင်ကြယ်သောသမီးကောင်းရတနာလေးအဖြစ် နိဗ္ဗာန်ကိုမျက်မှောက်ပြုနိုင် သောနောက်ဆုံးဘဝကိုပိုင်ဆိုင်ရရှိပါစေလို့ပါပါးဆုတောင်းပေးလိုက်ပါတယ်။ " ဆိုပြီး ပန်းစည်းလက်ဆောင်ပုံလေးနဲ့ ဆုတောင်းပေးခဲ့ပါတယ်။

Photo Credit - Maungmyomin Yintwinphyit's FB Acc

အဖေတစ်ယောက်လို လေးစားချစ်ခင်ရတဲ့ဦးမျိုးရဲ့ အကောင်းဆုံးမွေးနေ့ဆုတောင်းလေး အတွက် သမီးဖြစ်သူက ပီတိဖြစ်ရတဲ့အကြောင်းကို " ပါပါးပေးသောဆု မနှေးအမြန် ပြည့်ရပါလို၏ ပါပါးပေးသောဆု ပါပါးသမီးကဲ့သို့ပေးသော နူးညံ့သိမ်မွေ့သော ချစ်ခြင်းမေတ္တာတို့ကြောင့် စိတ်ချမ်းမြေ့ကြည်နူးရပါတယ် love you papar " ဆိုပြီး မှတ်ချက်ပြန်ပေးခဲ့ပါတယ်။

Photo Credit - Maungmyomin Yintwinphyit's FB Acc

သတင်းအရင်းမြစ်: Maungmyomin Yintwinphyit's FB Acc

"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။