ဟန်နာယူရီကတော့ မြန်မာနိုင်ငံရဲ့ ဒီအရေးတော်ပုံကြီးစတင်ထဲက ပြည်သူတွေနဲ့အတူ စိတ်ရောကိုယ်ပါနှစ်ပြီး ပါဝင်ရပ်တည်ခဲ့သူတစ်ယောက်ပါ။ဒါ့အပြင်သူရဲ့ အကောင့်ကနေလည်း မြန်မာနိုင်ငံမှာနေ့စဉ်ဖြစ်ပျက်သမျှတွေကို နိုင်ငံခြားက သတင်းမီဒီယာတွေ သိအောင် အချိန်နဲ့တစ်ပြေးညီဖော်ပြပေးခဲ့သလို အရေးကြီးလိုက်နာသင့်တဲ့ သတင်းအချက်အလက်တွေကိုလည်း ဒီနေ့အထိဝေမျှပေးခဲ့သူတစ်ယောက်လည်းဖြစ်ပါတယ်။

Photo Credit : Hanna Yuri Facebook Page 
Photo Credit : Hanna Yuri Facebook Page 

သူကိုယ်တိုင်လည်း လမ်းမပေါ်ထွက်ကာ လှုပ်ရှားမှုတွေမှာ မျိုးစုံပါဝင်ခဲ့သူတစ်ယောက်ပါ ။ဒီလိုတွေပါဝင်ခဲ့တာကြောင့်လည်း ခုဆိုခြိမ်းခြောက်ခံရမှုတွေရှိနေပြီး မိသားစုနဲ့ ခွဲကာ တိမ်းရှောင်နေရတာလည်းဖြစ်ပါတယ်။သူမနဲ့ပတ်သက်ပြီး စိတ်ပူနေကြတဲ့ ပရိသတ်တွေကိုလည်း အခုဘေးကင်းတဲ့ နေရာရောက်နေပြီဖြစ်ကြောင်းနဲ့ တတ်နိုင်သလောက် အရင်ထက်အဆပေါင်းများစွာ support လုပ်သွားပေးမယ်လို့ ဖော်ပြထားတာတွေ့ရပါတယ်။

Photo Credit : Hanna Yuri Facebook Page 
Photo Credit : Hanna Yuri Facebook Page 

ဒါ့အပြင် ပြည်သူတွေမှာပြည်သူတွေပဲရှိလို့ အားတင်းထားရင်းအမှန်တရားအတွက်အတူတူရပ်တည်ကြမယ်ဆိုတဲ့အကြောင်းလေးကိုလည်း ခုလိုဝေမျှထားပါသေးတယ်။ "ယနေ့နဲ့ဆို ကျွန်မတို့ တိုင်းပြည်အမှောင်ငရဲထဲကျရောက်ခဲ့တာ ၃လတိတိပြည့်ပါပြီ ပြည်သူတွေ အသက်၊အိုးအိမ်၊ပိုင်ဆိုင်မှု လွတ်လပ်ခွင့်တွေ၊အနာဂတ်တွေများစွာ ပျောက်ဆုံးပြီး မတရားသဖြင့် ဖိနှိပ်အနိုင်ကျင့်ရက်စက်စွာ သတ်ဖြတ်ခံနေရတာတွေစိတ်ဆင်းရဲကြီးစွာနေ့နေ့ညည အသက်ရှင်နေရတာတွေ ၃လတိတိပြည့်ပါပြီ သွေးမအေးကြေး ၊ဘယ်တော့မှခွင့်မလွတ်ကြေး ဘယ်နေရာရောက်ရောက်ဆန့်ကျင်သွားမယ် ငါတို့မှာငါတို့ပဲရှိတယ် အားတင်းထားမယ် အမှန်တရားအတွက်အတူတူရပ်တည်ကြမယ် "ဆိုပြီးရေးသားဝေမျှထားရာ ပရိသတ်ကြီးအတွက် ပြန်လည်ဖော်ပြပေးလိုက်ပါတယ်။

Photo Credit : Hanna Yuri Facebook Page 
Source & Photo Credit : Hanna Yuri Facebook Page 

"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။