ပရိသတ်ကြီးရေ.. ပြေတီဦးနဲ့ အိန္ဒြာကျော်တို့ ဇနီးမောင်နှံကတော့ အနုပညာလောကမှာ ထိပ်တန်းကနေအောင်မြင်နေကြသလို ဇာတ်ပို့သရုပ်ဆောင်တွေဖြစ်ကြတဲ့ အေးသီတာနဲ့ အိအိတုန်တို့ကလည်း ပရိသတ်အခိုင်အမာနဲ့ အားလုံးရဲ့ချစ်ခင်အားပေးမှုတွေရရှိထားကြသူတွေပါပဲ..။

လူထုလှုပ်ရှားမှုတွေကိုတက်ကြွစွာပြုလုပ်ခဲ့တဲ့ ပြေတီဦးနဲ့ အိန္ဒြာကျော်ဇင်တို့ကတော့ လက်ရှိမှာ ပုဒ်မ ၅၀၅ က ဖြင့် အရေးယူထိန်းသိမ်းခံထားရပြီး ဇနီးမောင်နှံအတွက် ပရိသတ်တွေအပြင်အနုပညာရှင်တွေကလည်း စိတ်မကောင်းဖြစ်နေကြတာပါ..။

Photo Credit - Eaindra Kyaw Zin's Fb Page 
Photo Credit - Eaindra Kyaw Zin's Fb Page 

အေးသီတာနဲ့ အိအိတုန်တို့ကတော့ မကြာခင်မှာ မွေးနေ့ရက်ကျရောက်တော့မယ့် အိန္ဒြာကျော်ဇင်အတွက် သူတို့ရဲ့ လူမှုကွန်ယက်စာမျက်နှာတွေကနေ တစ်ဆင့် မွေးနေ့အကြို ဆုတောင်းစကားတွေ ပြောပေးထားကြတာ တွေ့ရပါတယ်..။

ပြီးခဲ့တဲ့ ရက်ပိုင်းတွေကတည်းက ထိန်းသိမ်းခံထားရတဲ့ အူဝဲတို့ဇနီးမောင်နှံကို မိသားစုတွေနဲ့ အမြန်ဆုံးပြန်ဆုံစေဖို့ ဆုမွန်ကောင်းတောင်းထားကြတာဖြစ်ပြီး အားလုံးကလည်း စိတ်မကောင်းဖြစ်နေကြတာလည်း ဖြစ်ပါတယ်..။

Photo Credit - Eaindra Kyaw Zin's Fb Page 
Photo Credit - Ei Tone's Fb Acc 

"မနက်ဖန်ဆိုချစ်ရတဲ့အမအူဝဲရဲ့ မွေးနေ့လေး မိသားစုတွေအမြန်ဆုံးပြန်ဆုံတွေ့နိုင်ပါစေ🙏🙏🙏." ဆိုပြီးတော့ အိအိတုန်က မွေးနေ့အကြိုအဖြစ် ရေးသားဆုတောင်းထားသလို အေးသီတာကလည်း "ပျော်ရွှင်စရာမွေးနေ့လေးမှာ မိသားစုပြန်ဆုံကြရပါစေအွဲရေ😍🥰😘.." ဆိုကာ သူမရဲ့ဖေ့စ်ဘွတ်စာမျက်နှာကနေ မွေးနေ့အကြို ဆုတောင်းစကားဆိုထားတာ ဖြစ်ပါတယ်..။

သူမတို့နှစ်ယောက်စလုံးရဲ့ ပို့စ်တွေအောက်မှာတော့ ပရိသတ်တွေကလည်း ပြေတီဦးနဲ့ အိန္ဒြာကျော်ဇင်တို့ ဇနီးမောင်နှံအတွက် ဆုတောင်းစကားတွေနဲ့ မှတ်ချက်ပေး ရေးသားထားကြတာလည်း တွေ့ရပါတယ်..။

Photo Credit - Aye Thida's Fb Acc
Photo Credit - Ei Tone's Fb Acc 

သတင်းအရင်းမြစ်: Ei Tone's Fb Acc & Aye Thida's Fb Acc

"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။