ပရဟိတအလုပ်တွေကို အားကြိုးမာန်တတ် လုပ်ဆောင်နေတဲ့ ဝေဠုကျော်ကတော့ ပရိသတ်တွေလေးစားချစ်ခင်နေရသူတစ်ယောက်ပါ။ အနုပညာလောကမှာ အောင်မြင်မှုတွေအခိုင်အမာ ရရှိထားသလို ပရဟိတအလုပ်တွေကို ကိုယ်တိုင်တောက်လျှောက်လုပ်ကိုင်နေတဲ့အပြင် လက်ရှိအခြေအနေတွေမှာလည်း ပြည်သူတွေနဲ့အတူ အလှူလေးတွေပြုလုပ်ရင်း ရပ်တည်နေတာ ဖြစ်ပါတယ်။
ဒါ့အပြင် အခက်အခဲဖြစ်နေတဲ့နေရာဒေသတွေကို ကိုယ်တိုင်သွားရောက်ပြီး လှူဒါန်းမှုတွေကိုလည်း ပြုလုပ်ပေးနေတာ တွေ့ရသလို စစ်ဘေးရှောင်ပြည်သူများဆီကိုလည်း စားနပ်ရိက္ခာများ ထောက်ပံ့လှူဒါန်းခဲ့ပါသေးတယ်။ကိုယ်ကျိုးမကြည့်ဘဲ နေ့စဉ်တိုင်း မမောနိုင်မပန်းနိုင်အောင် အခက်အခဲတွေကြားကနေ သွားရောက်ကာ အများအကျိုးလုပ်ဆောင်နေသူတစ်ယောက်ဆိုလည်း မမှားပါဘူးနော်။
အခုလည်း မင်္ဂလာဒုံမြို့နယ်၊ပုလဲမြို့သစ်ရှိ ချမ်းမြေ့ရတနာသီလရှင်ကျောင်းတိုက်မှ သီလရှင်ဆရာလေးများအား အလှူရှင်တွေကိုယ်စား စားနပ်ရိက္ခာများအပြင် အလှူငွေများသွားရောက်လှူဒါန်းပေးခဲ့ကြောင်းပုံလေးတွနဲ့တကွ ခုလိုရေးသားဝေမျှလာတာဖြစ်ပါတယ်။ " မဂ်လာဒုံမြို့နယ်၊ပုလဲမြို့သစ် ရှိ ချမ်းမြေ့ရတနာသီလရှင်ကျောင်းတိုက် သို့ လိုအပ်နေသည့် နေကြာဆီ ၁၀ပိဿာ အာလူး ပိဿာ ၄၀ ကြက်သွန် ပိဿာ ၂၀ ကုလားပဲ ၁၀ပိဿာကြာဇံ ၊ နနွန်းမှုန့်၊ငြုတ်သီးမှုန့်အမျိုးမျိုး၊အခြားဟင်းချက်စရာ အခြောက်အခြမ်းများနှင့် အလှူငွေ တစ်သိန်းငါးသောင်း ကျပ်တို့ကို သွားရောက်လှူဒါန်းပေးခဲ့ပါသည်။အလှူရှင်မှာ ထိုင်းရောက် လူငယ်မောင်မယ်များ ရဲ့ရွှေရောင်အနာဂတ် ပန်းပျိုးလက်အဖွဲ့ ဖြစ်ပါတယ်။"ဆိုပြီးရေးသားထားရာ ပရိသတ်ကြီးလည်း သာဓုခေါ်နိုင်စေရန် ပြန်လည်ဝေမျှပေးလိုက်ပါတယ်။