မင်းသား ဟိန်းဝေယံက အနုပညာအလုပ်တွေကို ဆယ်စုနီးပါးမက ကြိုးစားလုပ်ကိုင်လာခဲ့ပြီး ပရိသတ်တွေရဲ့ အချစ်တွေကိုသိမ်းပိုက်ထားတဲ့ အနုပညာရှင်တစ်ယောက်ပဲ ဖြစ်ပါတယ်။ လတ်တလော ဖြစ်ပေါ်နေတဲ့ ဒီမီုကရေစီအရေးမှာလည်း အမှန်တရားကို လိုလားကြတဲ့ ပြည်သူတွေနဲ့အတူ တစ်သားတည်းအပြည့်အဝရပ်တည်ပေးခဲ့ပါတယ်။ ဒါ့အပြင် လမ်းပေါ်က ရဲရဲဝံ့ဝံ့ လူထုလှုပ်ရှားမှုတွေမှာပါဝင်ကြတဲ့ ပြည်သူတွေအတွက်လည်း အာဟာရဒါန စားသောက်စရာများကို ကိုယ်တိုင်ကိုယ်ကျ ဝေငှလှူဒါန်းပေးခဲ့ပါတယ်။

Photo Credit - Heinn Wai Yan fb page
Photo Credit - Heinn Wai Yan fb page

ယခုမှာဆိုရင်လည်း ဟိန်းဝေယံက ပရိသတ်တွေကြည်နူးစေမယ့် နောက်ထပ် အလှူလေးတစ်ခုကို ထပ်မံပြုလုပ်ခဲ့ပါတယ်။ ဒီအလှူလေးကတော့ ပြီးခဲ့တဲ့ ရက်ပိုင်းက ဒီမီုကရေစီအရေးအတွက် လှုပ်ရှားပါဝင်ရင်း ရှေ့တန်းမှာ အသက်ပေးလိုက်ရတဲ့ အာဇာနည်သူရဲကောင်း ကိုကျော်ဇင်လတ်(ခ)ကိုခိုင်ထူးရဲ့ နောက်ဆုံးခရီးအတွက် ကျန်ရစ်ခဲ့တဲ့ မိသားစုဝင်များထံသို့ ပရိက္ခရာ(၈)ပါး၊ အလှူငွေ(၅)သိန်းနှင့် စားသောက်စရာများကို ကူညီလှူဒါန်းဖြစ်ပါတယ်။

Photo Credit - Heinn Wai Yan fb page
Photo Credit - Heinn Wai Yan fb page

ဒါ့အပြင် မိသားစုဝင်များကို အားပေးစကားပြောခဲ့ပြီး အာဇာနည် သူရဲကောင်း ကိုကျော်ဇင်လတ်ကို ကောင်းရာဘုံဘဝရောက်ရှိပါစေ ဆိုပြီး ဆုတောင်းပေးထားပါသေးတယ်။ ဟိန်းဝေယံက မကြာခဏဆိုသလို တတ်နိုင်သလောက် အလှူအတန်းတွေကိုလည်း ပြုလုပ်လှူဒါန်းပေးတာတွေ့ရပါတယ်။ ကဲ..ယခုမှာလည်း အာဇာနည်သူရဲကောင်း ကိုကျော်ဇင်လတ်အတွက် ဟိန်းဝေယံရဲ့ လှူဒါန်းပေးခဲ့တာကို ပြန်လည်ဖော်ပြပေးလိုက်ပါတယ်။

သတင်းအရင်းမြစ်: Source - Heinn Wai Yan fb page

"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။