ဒီမီုကရေစီအရေးကို ပြန်လည်တည်ဆောက်ဖို့ တက်တက်ကြွကြွ ကြိုးပမ်းဆောင်ရွက်နေတဲ့ အနုပညာရှင်တွေထဲမှာ မော်လ်ဒယ်သရုပ်ဆောင် ခါရာလည်း အပါအဝင်ပဲ ဖြစ်ပါတယ်။ ခါရာ ကတော့ တိုင်းပြည်ရဲ့အနာဂတ်လှပအောင် တစ်ထောင့်တစ်နေရာကနေ ပြည်သူတွေနဲ့အတူ တစ်သားတည်းရပ်တည်ပေးခဲ့ပါတယ်။ ဒါ့အပြင် နေ့စဥ်အမျှဆိုသလို လမ်းမပေါ်ထွက်ပြီး အမှန်တရားကို လိုလားကြတဲ့လူထုရှားမှုတွေမှာ သံပြိုင်ဟစ်ကြွေးပြီး အားမာန်အပြည့် ပါဝင်ခဲ့ပါတယ်။

Photo Credit - Khar Ra fb page
Photo Credit - Khar Ra fb page

ယခုမှာတော့ မတ်လ (၈) ရက်နေ့ညနေပိုင်းလောက်က ရန်ကုန်မြို့စမ်းချောင်းမှာ အတားအဆီးတွေကြောင့် ရှေ့တန်းက​နေ တိုက်ပွဲဝင်နေကြတဲ့ ကျောင်းသားလူငယ်တွေဟာ အတားအဆီးတွေကြောင့် ပိတ်မိနေခဲ့တဲ့ ဖြစ်စဥ်မှာ အိမ်ပြန်ခွင့်ရအောင် အနီးအနားက ကူညီပေးကြတဲ့ ပြည်သူတွေကို သရုပ်ဆောင်ခါရာက လူမှုကွန်ယက်မှာ ကျေးဇူးတင်စကား ပြောလာခဲ့ပါတယ်။ " စမ်းချောင်းမှာ ပိတ်မိနေတဲ့ လူငယ်လေးတွေဟာ သူတို့အနာဂတ်အတွက် ငြိမ်းချမ်းစွာ ဆန္ဒထုတ်ဖော်နေခဲ့ကြတဲ့ နိုင်ငံရဲ့တန်ဖိုးရှိတဲ့မျိုးဆက်သစ်တွေပါ ......

Photo Credit - Khar Ra fb page
Photo Credit - Khar Ra fb page

အပြစ်မဲ့တဲ့ သူတို့လေးတွေကို အခုလိုတွေမလုပ်ကြပါနဲ့ဗျာ ..... အားလုံးကို ဘေးအန္တရာယ်ကင်းကင်းနဲ့ အိမ်ပြန်ခွင့်ပေးလိုက်ကြပါ ...စမ်းချောင်းမှာ ပိတ်မိနေကြတဲ့ လူငယ်လေးတွေအားလုံးကို ကူညီပေးနေကြတဲ့ မိဘပြည်သူများအားလုံးကိုလည်း ကျေးဇူးတင်ပါတယ်..... သူတို့လေးတွေကို ကိုယ့်မိသားစုဝင်လိုပဲ ဆက်ပြီးစောင့်ရှောက်ပေးကြပါဦးဗျာ " ဆိုပြီး ရေးသားဖော်ပြထားပါတယ်။ ပရိသတ်တွေလည်း အမှန်တရားကို လိုလားကြတဲ့ ပြည်သူတွေနဲ့ တစ်သားတည်းရပ်တည်ပေးခဲ့တဲ့ ခါရာကိုလည်း အားပေးစကားလေးပြောပေးခဲ့ပါဦး။

သတင်းအရင်းမြစ်: Source - Khar Ra fb page

"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။