(၆)နှစ်တာကာလ အမှုရင်ဆိုင်ခဲ့ရပြီးနောက် ယမန်နေ့ ဇွန်လ(၂)ရက်နေ့က Johnny Depp ဟာ Amber Heard အား စွဲဆိုထားခဲ့တဲ့ အသရေဖျက်မှုကို အောင်နိုင်သွားခဲ့ပြီဖြစ်ပြီး Amber Heard ဟာ Johnny Depp အား အမေရိကန် ဒေါ်လာ(၁၅)သန်း လျော်ကြေးပေးဆောင်ရမယ်လို့ ဂျူရီ က အမိန့်ချမှတ်ခဲ့ပါတယ်။

စီရင်ချက်ချပြီးပြီးချင်းမှာပဲ Amber Heard ရဲ့ ရှေ့နေဖြစ်သူ Elaine Bredehoft ဟာ သူမ၏နှုတ်ဆိတ်မှုကို ချိုးဖောက်တဲ့အနေနဲ့ Amber Heard မှ Johnny Depp အား နစ်နာကြေးဒေါ်လာ (၁၅) သန်း ကို ပေးဆောင်နိုင်မှာမဟုတ်ကြောင်း Bredehoft မှ ထုတ်ဖော်ပြောကြားခဲ့တာဖြစ်ပါတယ်။

Bredehoft က ယခု နောက်ဆုံးသတ်မှတ်လိုက်တဲ့ ရလဒ်ဟာ အိမ်တွင်းအကြမ်းဖက်မှုကျူးလွန်နေကြတဲ့ သားကောင်များအတွက် ကြီးမားတဲ့ ဆုတ်ယုတ်မှုဖြစ်ကြောင်းကို "ဒါဟာ ကြောက်စရာကောင်းတဲ့ မက်ဆေ့ချ်ပါပဲ... ဒါက ဆုတ်ယုတ်မှုပဲ" လို့ Bredehoft မှ မသိမသာအောက်ဖဲလှန်တဲ့ ပုံစံဖြင့်ပြောကြားလာပါတယ်။ ဒါတင်သာမက "မင်းရဲ့ ဖုန်းကို ဆွဲထုတ်ပြီး မင်းအိမ်ထောင်ဖက်က မင်းကို ရိုက်နှက်တဲ့ ဗီဒီယိုခွေကို မရိုက်ထားရင် မင်းကို တစ်လောကလုံးက ယုံမှာ မဟုတ်ဘူး " လို့လည်းပြောကြားလာပါသေးတယ်။