MRTV-4 ဇာတ်လမ်းတွဲတစ်ခုဖြစ်တဲ့ Sign of Love ဆိုတဲ့ ဇာတ်လမ်းတွဲကနေ လူသိများလာတဲ့ မင်းသားချော မြတ်သူကျော်ကတော့ နှုတ်ခမ်းနီမလေးတွေရဲ့ အသည်းစွဲ သရုပ်ဆောင် တစ်ယောက်ပဲ ဖြစ်ပါတယ်။

မျက်ခုံမွှေးထူထူလေးနဲ့ အပြုံးချိုချိုလေးတွေကို ပိုင်ဆိုင်ထားတဲ့ မြတ်သူကျော်ကတော့ ရုပ်ရှင် ဗီဒီယိုတွေ MTV တွေမှာလည်း ပါဝင်သရုပ်ဆောင်ခဲ့ပြီး အခုနောက်ပိုင်းမှာတော့ အနုပညာလှုပ်ရှားမှုတွေ နည်းပါးသွားခဲ့တာကို တွေ့ရပါတယ်။

မနေ့က မြန်မာနှစ်ဆန်းတစ်ရက်နေ့မှာတော့ မြတ်သူကျော်က သူရဲ့လူမှုကွန်ယက်ထက်ကနေတစ်ဆင့် သူ့ရဲ့ ပုံလေးတွေနဲ့အတူ "စံပယ် ..သူ့အမွှေးနံ့ လေးနဲ့ တော့ တစ်နေရာက ချစ်စရာ ကောင်း နေရော... ?

နှစ်သစ်မှာ ကျန်းမာ ရွှင်လန်း ကြပါ စေ ???" ဆိုပြီး နှစ်သစ်ဆုမွန်ကောင်းလေးတောင်းပေးထားတာဖြစ်ပါတယ်။

ပုံလေးတွေထဲမှာတော့ မြတ်သူကျော်တစ်ယောက် အရင်ကပုံစံနဲ့ လုံးဝမတူဘဲ မမှတ်မိနိုင်လောက်အောင်ကို ခန္ဓာကိုယ်ရော မျက်နှာကပါ အရမ်းပိန်ပြီး ချောင်ကျသွားတာမို့ ပရိသတ်တွေက အံ့ဩနေကျတာပဲ ဖြစ်ပါတယ်။

တော်တော်လေးကို ပိန်သွားတာမို့ ကျန်းမာရေးကောင်းရဲ့လားဆိုပြီး ပရိသတ်တွေကလည်း စိတ်ပူနေကြတာ ဖြစ်ပါတယ်။