မကြာခင်ပြသတော့မယ့် "ရင်ထဲက ဒဏ္ဍာရီ" ဇာတ်လမ်းလေးရဲ့ နောက်ကွယ်က အမှတ်တရတချို့ကို ဖော်ပြလာတဲ့ နော်ဖောအယ်ထား

မော်လ်ဒယ် မင်းသမီးချောလေး နော်ဖောအယ်ထားဟာ အနုပညာနယ်ပယ်မှာ အချိန်အတိုတွင်းအောင်မြင်လာခဲ့တဲ့ တစ်ဦးပဲ ဖြစ်ပါတယ်။ ခန္ဓာကိုယ်သေးသေးသွယ်သွယ်လေးကို ပိုင်ဆိုင်ထားတဲ့ နော်ဖောလေးဟာ တမူထူးခြားတဲ့ အလှတရားတွေနဲ့ ချစ်စရာကောင်းသူလေးပဲ ဖြစ်ပါတယ်။ အနုပညာလှုပ်ရှားမှုအနေနဲ့ကတော့ ရုပ်သံဇာတ်လမ်းတွဲတွေထဲမှာ ပါဝင်သရုပ်ဆောင်သလို ကြော်ငြာတွေကိုများစွာကိုလည်း ရိုက်ကူးထားတာ တွေ့ရပါတယ်။

အနုပညာနယ်မှာ ဒီထက်မကအောင်မြင်မှုတွေရရှိတဲ့ သရုပ်ဆောင်ကောင်း တစ်ယောက်ဖြစ်အောင်လည်း ကြိုးစားလုပ်ကိုင်နေတာဖြစ်ပါတယ်။ မကြာမီမှာတော့ နော်ဖောအယ်ထားပါဝင်သရုပ်ဆောင်ထားတဲ့ " ရင်ထဲက ဒဏ္ဍာရီ"ဆိုတဲ့ ဇာတ်လမ်းတွဲဟာ ပရိသတ်တွေရဲ့ ရှေ့မောက်ကို ရောက်ရှိလာတော့မှာ ဖြစ်ပါတယ်။ဒီဇာတ်လမ်းထဲမှာ နော်ဖောအယ်ထားက ဆရာမလေး ဝတီ အဖြစ် ပါဝင်သရုပ်ထားတာ ဖြစ်ပါတယ်။

ယခုမှာတော့ နော်ဖောလေးက "ရင်ထဲက ဒဏ္ဍာရီ" ဇာတ်လမ်းလေးရဲ့ ရိုက်ကွင်းနောက်ကွယ်က အမှတ်တရလေးတွေကို ဖော်ပြလာတာ တွေ့ရပါတယ်။ ဒါ့အပြင် " ဆရာမလေး ဝတီကို ကြည့်ဖို့ ရယ်ဒီပဲလား " ဆိုပြီး ချစ်စရာကောင်းအောင် ပြောထားခဲ့ပါသေးတယ်။ ကဲ ပရိသတ်ကြီးရေ... ဆရာမလေး ဝတီရဲ့ ရိုက်ကွင်းနောက်ကွယ်က ချစ်စရာ ပုံလေးတွေကိုလည်း ပရိသတ်တွေ ကြည့်ရှုနိုင်အောင် ပြန်လည်ဖော်ပြပေးလိုက်ပါတယ်။

သတင်း အရင်းအမြစ်៖ Source - Naw Phaw Eh Htar