ချစ်သူလေးနဲ့ အင်္ကျီဆင်တူ ဝတ်ထားတဲ့ ပုံလေးကို မျှဝေလာတဲ့ ဆွိဝတ်ရည်သောင်း

အနုပညာလောကမှာ လှပလွန်းတဲ့ ညီအစ်မ(၃) ယောက်အဖြစ် နာမည်ကြီးခဲ့တဲ့ နှင်းဝတ်ရည်သောင်း ၊ အေးဝတ်ရည်သောင်း နဲ့ ဆွိဝတ်ရည်သောင်းတို့ကတော့ အနုပညာအလုပ်တွေ ဆက်မလုပ်တော့သည့်တိုင် ပရိတ်တွေရဲ့အားပေးမှုကို ရရှိနေဆဲပဲ ဖြစ်ပါတယ်။

ညီအစ်မ(၃) ယောက်ထဲမှာမှ အငယ်ဆုံးအဆိုတော်မလေး ဆွိဝတ်ရည်သောင်းကတော့ သီချင်းတွေကို အသံချိုချိုလေးနဲ့ သီဆိုတတ်ပြီး ပရိသတ်တွေကို ဖမ်းစားနိုင်စွမ်းရှိတာ ဖြစ်ပါတယ် ။ ဆွိဝတ်ရည်သောင်းက အဆိုတော်အဖြစ် အောင်မြင်နေရုံသာမက သရုပ်ဆောင်အဖြစ်လည်း ဇာတ်ကားတွေရိုက်ကူးခဲ့ရတာ ဖြစ်ပါတယ် ။ 

ဆွိသောင်း ကတော့ သူမရဲ့ အချစ်ရေးနဲ့ ပတ်သက်ပြီး ပရိသတ်ကို ပွင့်ပွင့်လင်းလင်း ချပြထားသူလည်း ဖြစ်ပါတယ်။ သူမရဲ့ ချစ်သူကတော့ အမိုက်စားအသံပါဝါနဲ့အတူ တေးသီချင်းကောင်းများစွာကို သီဆိုထားတဲ့အဆိုတော်ကျားပေါက် (ဟန်ထူးလွင်) ပဲ ဖြစ်ပါတယ်။ 

ဆွိသောင်းက အဆိုတော်ကျားပေါက်နဲ့ မေလ (10) ရက်နေ့မှာ Official Relationship ချိတ်လိုက်တာကြောင့် ပရိသတ်တွေကလည်း အံ့ဩနေကြတာဖြစ်ပါတယ်။ ဒီနေ့မှာလည်း သူမတို့ချစ်သူနှစ်ဦးက အင်္ကျီဆင်တူလေးဝတ်ပြီး သူတို့ရဲ့Instagram အကောင့်အသီးသီးမှာ တင်ထားကြတာ ဖြစ်ပါတယ်။