တောင်ကိုရီးယား အနုပညာရှင်တွေ တွဲနေကြတဲ့ သတင်းတွေ ထွက်လာပြီဆိုရင် လူအများစုက ဆဲကြတာများပါတယ်။ အရမ်းချစ်ကြရတဲ့ အရမ်းအားပေးရတဲ့ Idol တွေချိန်းတွေ့နေကြတဲ့ သတင်းတွေထွက်လာရင် ပိုဆိုးပါတယ်။
ဒါပေမယ့် တောင်ကိုရီးယား နာမည်ကြီး အဆိုတော် GIRL Generation အဖွဲ့ဝင် တစ်ယောက်လည်းဖြစ်၊သရုပ်ဆောင်တစ်ယောက်လည်း ဖြစ်တဲ့ Sooyoung နဲ့ မင်းသား Jung Kyung Ho တို့ အတွဲလေးကတော့ ရှားမှရှား ပရိသတ်အချစ်တော် လူ တိုင်း အားကျရတဲ့ အတွဲလေး ဖြစ်နေပါတယ် ။
သူတို့ နှစ်ဦးက ၂၀၁၃ ခုနှစ်မှာ တွဲနေတယ်ဆိုတဲ့ အကြောင်းကို ငြင်းဆိုခဲ့ပါတယ်။ ၂၀၁၄ ခုနှစ်မှာ တရားဝင်တွဲနေတဲ့ အကြောင်း ကို ဝန်ခံခဲ့ပါတယ်။
သူတို့နှစ်ဦးစလုံးက တစ်ယောက်ချင်းစီ အလုပ်တွေ မအားကြပေမယ့် ချိန်းတွေ့ရမယ့် အချိန်ကိုတော့ အချိန်ကိုက်ဖန်တီး ညှိယူနိုင်ကြတဲ့ အတွဲလေးဖြစ်ပါတယ်။
အခုတစ်ခေါက်မှာလည်း Sooyoung နဲ့ Jung Kyung Ho တို့ အတွဲလေးက လော့စ်အိမ်ဂျလိစ်မှာ ပျော်ရွှင်စွာ ချိန်းတွေ့နေတဲ့ ပုံလေးတွေ တတ်လာခဲ့ပါတယ်။
ဓာတ်ပုံလေးတွေထဲမှာ သူတို့ နှစ်ဦးက တစ်ယောက်နဲ့တစ်ယောက် တွဲပြီး ရိုက်ထားတာ မဟုတ်ပေမယ့် နေရာတစ်နေရာတည်းမှာ ရှိနေတာကြောင့် ပရိသတ်တွေက သူတို့ နှစ်ဦး အတူချိန်းတွေ့ပြီး ခရီးထွက်နေကြတယ်ဆိုတာကိုသိကြပါတယ်။
တစ်နေရာတည်းမှာရှိပြီး အတူတူချိန်းတွေ့နေကြတဲ့ Sooyoung နဲ့ Jung Kyung Ho တို့ အကြောင်းကို အားလုံးအတွက် ဝေမျှပေးလိုက်ပါတယ်နော်။