Iron Cross တီးဝိုင်းနဲ့ လူသိများကျော်ကြားလာကာ ပရိတ်သတ်တွေရဲ့ရင်ထဲကို အသံချိုချို အသံပါဝါကောင်းကောင်း ၊ အနှစ်သာရရှိတဲ့ တေးသီချင်းကောင်းများစွာနဲ့ ထိုးဖောက်ဝင်ရောက်ခဲ့သူကတော့ အဆိုတော် လေးဖြူ ပဲဖြစ်ပါတယ်။
အဆိုတော် လေးဖြူ ဟာ မေလ(၁၉)ရက်နေ့က အသက်(၅၇) နှစ်ပြည့်သွားခဲ့ပြီဖြစ်ပြီး သူ့ရဲ့မွေးနေ့ရက်မြတ်မှာ သူ့ကိုချစ်ခင်ကြတဲ့ အနုပညာရှင်အသိုင်းအဝိုင်းသာမက ပရိတ်သတ်များကပါဆုမွန်ကောင်းတွေတောင်းပေးခဲ့ကြပါတယ်။
အဆိုတော် လေးဖြူ ဟာ သူ့ရဲ့ (၅၇)နှစ်ပြည့်မွေးနေ့အလှူအတွက် ယမန်နေ့ မေလ(၂၂)ရက်နေ့မှာ နေအိမ်သို့ သံဃာတော်များပင့်ဆောင့်ပြီး ဆွမ်းကပ်ခြင်း နှင့် လှူဖွယ်ဝတ္ထုလှူဒါန်းခြင်းများပြုလုပ်ခဲ့ပြီး ဓမ္မဂုဏ်ရည်ဆရာတော် (ရွှေပြည်သာ) မှ ရေးသားတဲ့ (၁၉) အုပ်မြောက်ဖြစ်တဲ့ တရားသည်သာအားကိုးရာ စာအုပ်အတွက်လည်းကုန်ကျငွေများကို " ပညာသံဝတ္တနိက" ကုသိုလ်အဖြစ် အမတဒါန' ဓမ္မဒါန' အဖြစ်လှူဒါန်းခဲ့တယ်လို့သိရပါတယ် ။ ကိုလေးဖြူ တစ်ယောက် အမြန်ဆုံးကျန်းမာပါစေလို့ ဆုတောင်းပေးလိုက်ရပါတယ်။
Bong I.T