တောင်ကိုရီးယားနာမည်ကြီး မင်းသား လီမင်ဟိုဟာဆိုရင် နာမည်ကြီးသလောက် အခုထိ မစွံရှာသေးတဲ့ လူပျိုကြီးတစ်ယောက် ဖြစ်ပါတယ်။ လီမင်ဟိုက အခုချက်ချင်းကောက်ယူရင် ကောင်မလေးတစ်ယောက် အေးဆေး ရနိုင်တယ်ဆိုပေမယ့် သူ့ရဲ့ စံသတ်မှတ်ချက်တွေလည်း ရှိကောင်းရှိနိုင်ပါသေးတယ်။ လီမင်ဟိုက လက်ရှိမှာ လူပျိုကြီးဆိုပေမယ့် သူတွဲခဲ့ဖူးတဲ့ ကောင်မလေးတွေကလည်း တကယ့် အလှလေးတွေပဲ ဖြစ်ပါတယ်။ ရှာဖွေ စုံစမ်းမှုတွေအရ လီမင်ဟိုက အခုအချိန်အထိ ကောင်မလေး ၅ ယောက်နဲ့ တွဲခဲ့ဖူးတယ်လို့ သိရပါတယ်။
လီမင်ဟိုက ကောင်မလေး ၅ ယောက်ထဲမှာ ကောင်မလေး ၂ ယောက်နဲ့ တွဲနေတဲ့ အကြောင်း ကို မှန်ကန်ကြောင်းအတည်ပြုပေးခဲ့ဖူးပြီး ကောင်မလေး ၃ ယောက်ကိုတော့ တွဲနေတာ မဟုတ်ကြောင်း ငြင်းခဲ့ပါတယ်။ ဒါကြောင့် လီမင်ဟိုနဲ့ လူသိရှင်ကြား တွဲခဲ့ ဖူးတဲ့ ကောင်မလေး ၂ ယောက်အကြောင်းကို ပြောပေးသွားပါမယ်နော်။
ပထမဦးဆုံး မင်းသမီး တစ်ယောက်ကတော့ Park Min Young ပဲ ဖြစ်ပါတယ်။
Park Min Young က လီမင်ဟို တွဲနေကြောင်း ဝန်ခံခဲ့ဖူး တဲ့ ပထမဦးဆုံး ကောင်မလေး ဖြစ်ပါတယ်။ သူတို့နှစ်ဦးက ၂၀၁၁ ခုနှစ်မှာ ထွက်ရှိခဲ့တဲ့ City Hunter ဆိုတဲ့ ဇာတ်လမ်းမှာ ပါဝင်သရုပ်ဆောင်ရင်း ချစ်ကျွမ်းဝင်ခဲ့ကြတာ ဖြစ်ပါတယ်။
သူတို့နှစ်ဦးက အရမ်းကို ချစ်ဖို့ကောင်းပြီး လိုက်ဖက်လွန်းတဲ့ စုံတွဲလေး ဖြစ်ပေမယ့်လည်း နှစ်ယောက်စလုံးကအလုပ်တွေ မအားတာကြောင့် ချိန်းတွေ့ပြီး ၇ လ မပြည့်ခင်မှာပဲ လမ်းခွဲခဲ့ကြပါတယ်။
လီမင်ဟိုနဲ့တွဲခဲ့နဲ့ နောက်ထပ် နာမည်ကြီး မင်းသမီးလေးကတော့ Suzy ပဲဖြစ်ပါတယ်။
သူတို့နှစ်ဦးက အရမ်းချစ်ခဲ့ကြတဲ့ စုံတွဲလေးဖြစ်ပြီး ၃ နှစ်တိတိ လူသိရှင်ကြား တွဲခဲ့ကြတဲ့ စုံတွဲလေး ဖြစ်ပါတယ်။သူတို့နှစ်ဦး တွဲခဲ့ကြတုန်းက Suzy လေးက ၂၁ နှစ်ပဲရှိပါသေးတယ်။ သူမက လီမင်ဟိုထက် ၇ နှစ်တိတိ ငယ်ပါတယ်။
Suzy လေးက အရမ်းချောပြီး မိတ်ကပ် မလိမ်းရင်တောင် ကြည်လင်တဲ့ မျက်နှာလေးကို ပိုင်ဆိုင်ထားတာကြောင့်တောင်ကိုရီးယားရဲ့ “Nation’s First Love” အဖြစ် တင်စားခြင်း ခံခဲ့ရတဲ့ သူဖြစ်ပါတယ်။
သူတို့ နှစ်ဦးဟာလည်း ဘယ်လောက်ချစ်ခဲ့ ချစ်ခဲ့ တွဲပြီး ၃ နှစ်အကြာ ၂၀၁၇ ခုနှစ်မှာ လမ်းခွဲခဲ့ကြပါတယ်။ လမ်းခွဲခဲ့ပေမယ့်လည်း Suzy က လီမင်ဟိုအတွက် အမှတ်တရအဖြစ်ဆုံး ကောင်မလေးအဖြစ် ကျန်ရှိနေမယ်ဆိုတာပရိသတ်တွေက ယုံကြည်နေကြတုန်းပဲ ဖြစ်ပါတယ်။
အခုအချိန်ထိ လူပျိုကြီးအဖြစ် ရှိနေတုန်းဖြစ်တဲ့ တောင်ကိုရီးယားမင်းသား လီမင်ဟိုရဲ့ အချစ်ဇာတ်လမ်းလေးကိုတောင်ကိုရီးယား ပရိသတ်တွေအတွက် ဝေမျှပေးလိုက်ပါတယ်နော်။