သူမရဲ့မွေးနေ့လေးကို မမေ့နိုင်တဲ့နေ့တစ်နေ့လေးဖြစ်အောင် ဖန်တီးပေးကြတဲ့ သူတွေကို ကျေးဇူးတင်စကားဆိုလိုက်တဲ့ မေတိုးခိုင်

သရုပ်ဆောင်မော်ဒယ်တစ်ဦးလည်းဖြစ်တဲ့ မေတိုးခိုင်ကတော့ နိုင်ငံကျော်အနုပညာရှင် အူဝဲရဲ့ တူမ ဖြစ်ပြီး 2018 မှာ ကျင်းပခဲ့တဲ့ ရုပ်ရှင်အကယ်ဒမီပေးပွဲမှာလည်း အကယ်ဒမီ ဗန်းကိုင်အဖြစ်ပါဝင်ခဲ့တာပဲ ဖြစ်ပါတယ်။

မအူဝဲ နဲ့အတူ အနုပညာလှုပ်ရှားမှုတွေလုပ်ဆောင်ရင်းကနေ ပရိသတ်ရင်ထဲကို ရောက်လာသူလေးလည်းဖြစ်ပါတယ်။ မေလ (၇) ရက်နေ့ကတော့ မေတိုးခိုင်ရဲ့ မွေးနေ့လေးဖြစ်ပြီး အဆိုပါမွေးနေ့လေးဟာ သူမဘဝအတွက် မမေ့နိုင်စရာအမှတ်တရလေးဖြစ်တဲ့အကြောင်းကို အခုလိုပဲဝေမျှလာပါတယ်။

"Long overdue birthday post. အမှတ်တရလေးအဖြစ်ပုံလေးတွေစုပြီးတင်မယ်နော် ❤️

နောက်ထပ်မမေ့တော့မယ့်နေ့တစ်နေ့။ တစ်နေကုန် ပီတိဖြစ်စရာလေးတွေနဲ့ ဖြတ်သန်းခဲ့ရတဲ့ မွေးနေ့။ ဖြစ်ချင်တာလုပ်ချင်တာ အမြဲဘေးကပါရမီဖြည့်ပေးတဲ့ ဖူးချစ်ရတဲ့သူတွေအားလုံးကျေးဇူးအရမ်းတင်ပါတယ်။ မွေးနေ့ကိုပို အမှတ်တရဖြစ်အောင်လုပ်ပေးတဲ့ ချစ်ရတဲ့ ဖူးရဲ့ Maykeys တွေကိုလည်းရင်ထဲကနေအရမ်းကျေးဇူးတင်ပါတယ်။

အလှူငွေ အလှူပစ္စည်းတွေ လှူပေးတဲ့သူတွေလည်းကျေးဇူးတင်ပါတယ်။ ထမင်းဘူးတွေစီစဉ်ပေးတဲ့ စေတနာအပြည့်နဲ့ အန်တီအေးသဇင် နဲ့ masterchef အဖွဲ့ကိုလည်းကျေးဇူးတင်ပါတယ်။ အမြဲ အလှူဆိုပါဝင်အားဖြည့်ပေးတဲ့ sunkist ကိုလည်းကျေးဇူးတင်ပါတယ်။ မွေးနေ့ဆုတောင်းပေးကြသူအားလုံးလည်းကျေးဇူးတင်ပါတယ် တစ်ယောက်ချင်းဆီမပြန်နိုင်တာလည်းနားလည်ပေးပါနော်။

ဘဝရဲ့နောက်ဆုံးထွက်သက်အချိန်တစ်ခုအထိ လိုအပ်သူတွေကိုတစ်ထောင့်တစ်နေရာကနေကူညီနိုင်တဲ့လက်တစ်စုံဖြစ်ချင်ပါတယ် ??❤️" ဆိုပြီး ရေးသားထားတာပဲ ဖြစ်ပါတယ်။

Photo Credit & Source: May Toe Khine’s fb