ယမန်နေ့ မေလ(၂)ရက်နေ့က ဘန်ကောက်မြို့ရှိ Calvary Baptist ဘုရားကျောင်းမှာ ကျင်းပပြုလုပ်ခဲ့တဲ့ မအေးသောင်း လို့ လူသိများကြတဲ့ သရုပ်ဆောင် အေးဝတ်ရည်သောင်းနဲ့ သူမ ချစ်သူ တို့ နှစ်ဦးရဲ့ မင်္ဂလာပွဲကို အနုပညာရှင် အတော်အများက တက်ရောက်ခဲ့ပါတယ်။

မအေးသောင်း ဟာ လွန်ခဲ့တဲ့ ဧပြီလက ချစ်ခြင်းအပြည့်နဲ့ တည်ဆောက်ထားခဲ့တဲ့ သူမရဲ့ အချစ်ရေးအကြောင်းနဲ့ Prewedding အလှပုံတွေကို ပရိတ်သတ်ထံ ချပြလာခဲ့ပြီး ပုရိသတွေကတော့အသည်းကွဲခဲ့ကြသလို အမျိုးသမီးအများစုကတော့ အားကျနေခဲ့ကြပါတယ်။

မအေးသောင်း ရဲ့ မင်္ဂလာပွဲ ကိုထိုင်းမင်းသမီးဖြစ်တဲ့ Kaew Korravee နဲ့ သရုပ်ဆောင် မေနွယ်ထွန်း ၊ အဆိုတော် Ar-T တို့က တက်ရောက်ချီးမြှင့်ပေးခဲ့ပြီး သရုပ်ဆောင် အေးဝတ်ရည်သောင်းရဲ့ ညီအမ များဖြစ်ကြတဲ့ သရုပ်ဆောင် နှင်းဝတ်ရည်သောင်းနဲ့ ဆွီဝတ်ရည်သောင်း တို့ကတက်ရောက်ခဲ့ကြပါတယ်။ ချစ်ရသူနဲ့ပေါင်းဖက်နိုင်တဲ့အတွက် အပျော်ဆုံးအပြုံးတွေဝေနေတဲ့ မင်္ဂလာမောင်နှံရဲ့ ကြည်နူးစရာ ပုံရိပ်အချို့ကိုလည်း ပရိတ်သတ်တွေခံစားနိုင်စေရန် ထည့်သွင်းဖော်ပြပေးလိုက်ပါတယ်။