Hyun Bin နဲ့ Son Ye-jin 

သရုပ်ဆောင် Hyun Bin နဲ့ Son Ye-jin တို့ဟာ ဧပြီ ၁၁ ရက်က သူတို့ရဲ့ ဟန်းနီးမွန်းကို စတင်ခဲ့ပါတယ်။

Hyun Bin နဲ့ Son Ye-jin တို့က သူတို့ရဲ့ မင်္ဂလာပွဲကျင်းပပြီး ၁၁ ရက်မြောက်နေ့ဖြစ်တဲ့ ဧပြီလ ၁၁ ရက်နေ့က အင်ချွန်းအပြည်ပြည်ဆိုင်ရာလေဆိပ်ကနေတဆင့် အမေရိကန်ကို ထွက်ခွာခဲ့ကြတာ ဖြစ်ပါတယ်။ 

အတွင်းလူတွေရဲ့ ပြောကြားချက်အရ ၎င်းတို့နှစ်ဦးက အမေရိကန်ပြည်ထောင်စုရှိ နယူးယောက်နဲ့ လော့စ်အိန်ဂျလိစ်သို့ သွားရောက်လည်ပတ်မယ်လို့ သိရပေမယ့်လည်း အချိန်ဇယားအတိအကျကိုတော့ ဖော်ပြထားခြင်းမရှိပါဘူး။ 

သူတို့စုံတွဲဟာ လေဆိပ်မှာလည်း သတင်းထောက်တွေကို နှုတ်ဆက်ခဲ့ပါတယ်။ ပရိသတ်တွေရဲ့ အာရုံစိုက်မှုကိုဖမ်းစားနိုင်တာကတော့ သူတို့ရဲ့ ရိုးရှင်းပြီး သပ်ရပ်တဲ့ လေဆိပ်ဖက်ရှင်ပါပဲ။ Hyun Bin နဲ့  Son Ye-jin တို့ကကြိုတင်ပြင်ဆင်ထားတဲ့ အတိုင်း သပ်ရပ်လှပတဲ့ ဒီဇိုင်းတွေနဲ့ ၀တ်စုံတွေကို ရွေးချယ်ခဲ့ကြပါတယ်။ 

Hyun Bin ကတော့ အနက်ရောင်အောက်ခံအင်္ကျီအဖြူရောင်တီရှပ်ကို ဝတ်ဆင်ခဲ့ပြီး Son Ye-jin ကတော့ အရောင်ဖျော့ဖျော့ဂျင်းဘောင်းဘီ၊ အဖြူရောင်တီရှပ်တစ်ထည်နဲ့ နို့နှစ်ရောင်ဂျာကင်အင်္ကျီတို့နှင့်အတူ စတိုင်လ်ကျတဲ့ဖက်ရှင်ကို ရွေးချယ်ဝတ်ဆင်ခဲ့ပါတယ်။ 

Rain နဲ့ Kim Tae-hee 

2017 ခုနှစ်မှာတော့ အဆိုတော် Rain နဲ့ မင်းသမီး Kim Tae-hee တို့စုံတွဲကတော့ အင်ဒိုနီးရှားနိုင်ငံ ဘာလီကို ဟန်းနီးမွန်းထွက်ခဲ့ပါတယ်။ နှစ်ယောက်သား အတူတူ ကားပေါ်က ဆင်းပြီး ရိုမန်တစ်ဆန်ဆန် တစ်ယောက်နဲ့ တစ်ယောက်လက်ကို တင်းတင်း ဆုပ်ကိုင်ထားကြပါတယ်။ 

Rain က နေကာမျက်မှန်တပ်ထားပြီး အနက်ရောင်ဖက်ရှင်ကို ၀တ်ဆင်ထားကာ Tae-hee ကတော့ အနက်ရောင်ဘောင်းဘီနဲ့  အင်္ကျီအဖြူကို တွဲဖက်ဝတ်ဆင်ထားပါတယ်။ သတင်းထောက်တွေနဲ့ ပရိသတ်တွေက သူတို့စုံတွဲကိုတွေ့ဖို့ လာခဲ့ကြတဲ့အတွက် လေဆိပ်ဟာ လုံးဝကို လူအပြည့်နဲ့ စည်ကားနေခဲ့ပါတယ်။ 

နှစ်ယောက်သားက သတင်းထောက်တွေရှေ့မှာ ခဏရပ်လိုက်ပြီး မထွက်ခင်မှာ ပြုံးပြပြီး ကျေးဇူးတင်စကား ဆိုခဲ့ကြတယ်။

Lee Byung-hun နဲ့ Lee Min-jung

မင်းသား Lee Byung-hun နဲ့ မင်းသမီး Lee Min-jung တို့ရဲ့ ဟန်းနီးမွန်းခရီးစဉ်ကတော့ 2013 ခုနှစ်မှာ အင်ချွန်းအပြည်ပြည်ဆိုင်ရာလေဆိပ်ကနေ တစ်ဆင့် မော်လဒိုက်သို့သွားခဲ့ကြပါတယ်။ 

သူတို့စုံတွဲဟာ လေဆိပ်မှာ တစ်ယောက်နဲ့ တစ်ယောက် လက်တွဲပြီးသတင်းထောက်တွေကို ချစ်ခင်စွာ နှုတ်ဆက်ခဲ့ကြပါတယ်။

 Lee Byung-hun ဟာ အင်္ကျီအကွက်နဲ့ ဂျင်းဘောင်းဘီကို ၀တ်ဆင်ထားချိန်မှာတော့ Lee Min-jung က အင်္ကျီအဖြူနဲ့ ဘောင်းဘီတို့ကို ဝတ်ဆင်ပြီး Free StyleFashion တွေနဲ့ ဆွဲဆောင်မှုရှိနေကြပါတယ်။ 

Photo Credit & Source: KBIzoom