သရုပ်ဆောင် ညီထွဋ်ခေါင်ကတော့ အနုပညာလောကမှာ ပရိသတ်တွေရဲ့ ချစ်ခင်အားပေးမှုနဲ့အတူ နေရာတစ်နေရာကို ရပ်တည်ထားနိုင်တဲ့ အနုပညာရှင်တစ်ဦးပဲ ဖြစ်ပါတယ်။ သူ့ရဲ့ ချစ်သူကောင်မလေးဟာ ပြီးခဲ့တဲ့ ၂၀၂၁ ခုနှစ်က  ဇူလိုင်လ (၁၀) ရက်နေ့မှာ နှလုံးရပ်ပြီး ရုတ်တရက်ကွယ်လွန်သွားခဲ့တာ ကတော့ ပရိသတ်တွေလည်း အားလုံးသိကြမယ်လို့ထင်ပါတယ်။

အဲ့ဒီအချိန်တုန်းက ညီထွဋ်ခေါင်ရဲ့အကြီးမားဆုံး ဆုံးရှုံးမှုတစ်ခုဖြစ်ခဲ့ပြီး  ပရိသတ်တွေအပြင် အနုပညာအသိုင်းအဝိုင်းများပါ စိတ်မကောင်းဖြစ်ခဲ့ရပါတယ်။ ယခုအချိန်အထိလည်း ချစ်သူကောင်မလေးကို အမြဲသတိရနေခဲ့ပြီး ကောင်းရာဘုံဘဝကနေ ကုသိုလ်ရရှိနိုင်အောင် ညီထွဋ်ခေါင်က မကြခဏ အလှူလေးတွေ ပြုလုပ်ပေးခဲ့တာ တွေ့ရပါတယ်။ ဒီကနေ့ ဧပြီလ ၁၀ ရက်နေ့မှာတော့ ချစ်သူကောင်မလေး ကွယ်လွန်ခြင်း ၉ လ ပြည့်နေ့လေးကို ရောက်ရှိခဲ့ပြီဖြစ်ပါတယ်။

ချစ်သူ မေ ရဲ့ ကွယ်လွန်ခြင်း ၉ လ ပြည့်အတွက် ညီထွဋ်ခေါင် က ကြည်နူးစရာ အလှူအတန်းလေးတစ်ခုကို ထပ်မံပြုလုပ်ပေးခဲ့တာ တွေ့ရပါတယ်။ ဒါကတော့ လိုအပ်နေတဲ့ မိသားစု ၂၀၀ စုစာအတွက် ဆန်များကို မျှဝေလှူဒါန်းပေးခဲ့တာ ဖြစ်ပါတယ်။ ဒါ့အပြင် မေရဲ့ အလှူလေးနဲ့ပတ်သက်ပြီး "ဒီနေ့ ၉ လပြည့်ပြီ နေသားကျအောင် နေတတ်ဖို့ ကြိုးစားရင်း....ရည်စူး ကုသိုလ်ပြုပါတယ် မေ...လွမ်းတယ် "ဆိုပြီး စိတ်မကောင်းစွာ ရေးဖွဲ့ထားတာ တွေ့ရပါတယ်။ ပရိသတ်တွေကလည်း မေ တစ်ယောက် ပြုလုပ်ပေးတဲ့ ကုသိုလ်တွေရရှိပြီး ကောင်းရာမွန်ရာ ရောက်ပါစေလို့ ဆုတောင်းပေးလိုက်ပါဦးနော်...။

သတင်း အရင်းအမြစ်៖ Source - Nyi Htut Khaung