ဝါရင့်သရုပ်ဆောင် မင်းသားနေတိုးကတော့ သူရဲ့ ချစ်သူလေး မသဲစုမြတ်ရွှေ နဲ့ ဖေဖော်ဝါရီလ (၅) က မင်္ဂလာလက်မှတ် ရေးထိုးလိုက်ကြပြီပဲ ဖြစ်ပါတယ်။ လက်မှတ်ထိုးပွဲကို နေတိုးရဲ့ နေအိမ်မှာ ရခိုင်ရိုးရာ အပြင်အဆင်တွေနဲ့  မင်္ဂလာဦးဆွမ်းကျွေးပွဲကိုလည်း အကျဉ်းချုံးပြုလုပ်ခဲ့တာပဲ ဖြစ်ပါတယ်။

လူပျိုသိုးကြီးဘဝနဲ့ အချိန်အကြာကြီးကုန်ဆုံးခဲ့တဲ့ နေတိုးက သင်္ကြန်မတိုင်ခင် မင်္ဂလာပွဲကို ကျင်းပတော့မယ်လို့ သိရပါတယ်။ နေတိုးကတော့ သူတို့ရဲ့ မင်္ဂလာပွဲကို ဧပြီလ (၁၀) ရက်နေ့မှာ ကျင်းပပြုလုပ်မှာ ဖြစ်ပြီး မင်္ဂလာပွဲကို ရင်းနှီးတဲ့ မိတ်ဆွေအချိူ့ကို သာ ဖိတ်ခဲ့ပြီး အကျဥ်းချုံးကျင်းပမှာပဲ ဖြစ်ပါတယ်။

ဒီကနေ့မှာတော့ နေတိုးရဲ့ မင်္ဂလာဆောင် ဖိတ်စာလေးတွေထွက်ပေါ်လာခဲ့တာ ဖြစ်ပြီး ဖိတ်စာထဲမှာတော့ လုံခြုံရေးအရ မင်္ဂလာလက်ဖွဲ့ပစ္စည်းတွေကို ပါကင်ပိတ်ခြင်း၊ ပါဆယ်ဗူးတွေနဲ့ လက်ဖွဲ့ခြင်းမပြုဖို့နဲ့ ဖိတ်စာနဲ့တကွ တက်ရောက်ပေးဖို့ မေတ္တာရပ်ခံထားတာ ဖြစ်ပါတယ်။

နေတိုး ရဲ့ ချစ်သူကောင်မလေး ဟာ လူမျိုးတူ ရခိုင်လူမျိုးပဲ ဖြစ်တယ်လို့ သိရပြီး နေတိုးနဲ့ ငယ်ချစ်ဦးလဲ ဖြစ်ပါတယ်။