မော်ဒယ်၊ သရုပ်ဆောင် ပိုင်တံခွန်ကတော့ ရုပ်ချောရုံတင်မက စကားလည်း ကြွယ်ပါတယ်နော်။ ဒီနေ့ သူ့ရဲ့ facebook စာမျက်နှာထက်မှာ ကဗျာလေးတစ်ပုဒ်ကို ဝေမျှလာခဲ့တာပါ။
ဘဝရဲ့ ဟန်ချက်တွေ
ယိမ်းယိုင်စေတဲ့
လောကဓံလှိုင်း . . .
အနာရွတ်တွေနဲ့
စစ်ခင်းရတဲ့
မျှော်လင့်ချက် . . .
မျက်လုံးစိမ်းနဲ့
ကြည့်ခံရတဲ့
ဒဏ်ရာဟောင်းတွေ
ကမ်းမမြင် လမ်းမမြင် . . .
ကံကြမ္မာဆိုတာ
စာအိတ်လေးထဲက
အငွေ့ပျံလွယ်တဲ့
ပျော်ရွှင်မှု သက်သက် . . . ဆိုပြီး ရေးဖွဲ့ထားခဲ့တာပါ။
သူဟာ တကယ်ကို လောကဓံရိုက်ချက်တွေ ခံလာရတဲ့ ပြည်သူ့ အနုပညာရှင်တစ်ယောက်ပါ။ အခု ကဗျာလေးကို ၂၀၂၁ မေလ ၆ ရက်နေ့မှာ ရေးသားခဲ့တာလို့ ပြောပါတယ်။
ကဗျာလေးရဲ့ နာမည်က တင်္ဒဂ ပါ။ သူ ဘယ်လိုခံစားချက်တွေနဲ့များ ရေးဖွဲ့ခဲ့သလဲ၊ အဲဒီအချိန်မှာ ဘယ်လောက်တောင် နာကျင်နေခဲ့ရမလဲဆိုတာ တွေးကြည့်ရင် ဝမ်းနည်းကြေကွဲစရာပါပဲ။
ဒါကြောင့်လည်း ခုနောက်ပိုင်း သူ့ရဲ့ ပုံရိပ်လေးတွေဟာ ပိုရင့်ကျက် တည်ငြိမ်လာတဲ့ ပုံစံပေါက်ပါတယ်။ တစ်မျိုးလေး ဆွဲဆောင်မှု ရှိနေတဲ့ သူ့ကို အားလုံးက ပိုပိုချစ်နေရပြန်တာပါပဲ။
နာကျင်မှုက ကဗျာအဖြစ် ခံစားခဲ့တဲ့ ပိုင်တံခွန်ကတော့ တကယ် ချစ်စရာပါပဲ။ ပရိသတ်တွေ ဝေမျှခံစားဖို့ တင်ဆက်လိုက်ပါတယ်နော်။
Photos Courtesy - Paing Ta Khon Facebook
Bong I.T