အမေရိကန် အဆိုတော် သရုပ်ဆောင် Zendaya လို့ ပြောလိုက်ရင် ညိုညိုစိုစို အသားအရောင်ရယ်၊ သွယ်ဖြောင့်တဲ့ ကိုယ်လုံးရယ်၊ ဆံပင်ကောက်ကောက်လေးရယ်ကို ပြေးမြင်ကြမှာပါ။ အသက် ၂၆ နှစ်ပဲ ရှိသေးပေမဲ့ သူမဟာ ဟောလိဝုဒ်မှာရော ကမ္ဘာမှာပါ အောင်မြင်ကျော်ကြားနေပါပြီ။

သူမဟာ ၂၀၀၉ ခုနှစ်ကတည်းက ကလေးသရုပ်ဆောင်အနေနဲ့ အနုပညာလောကထဲ ရောက်လာခဲ့တာပါ။ ဖက်ရှင်ဘရန်းတွေမှာ ကလေးမော်ဒယ်အနေနဲ့ ဆောင်ရွက်ခဲ့ပါတယ်။ ရှိတ်စပီးယားပြဇာတ်တွေမှာလည်း ပါဝင်ကပြခဲ့ဖူးပါတယ်။

အဲဒီအတွေ့အကြုံတွေဟာ The Greatest Showman ဆိုတဲ့ ဇာတ်ကားရိုက်ချိန်မှာ အသုံးဝင်ခဲ့ပါတယ်။ သူမကို ကမ္ဘာအနှံ့က ပရိသတ်တွေ သတိထားမိသွားကြပါပြီ။ အဲဒီနောက် Spider-Man ရုပ်ရှင်တွေမှာ Tom Holland နဲ့ တွဲဖက် သရုပ်ဆောင်ခဲ့ပါတယ်။

သရုပ်ဆောင်အပြီးမှာ Tom Holland နဲ့ပဲ ချစ်ကြိုးသွယ်ခဲ့ပါတယ်။ သူတို့နှစ်ယောက်ဟာ ပရိသတ်ချစ်ရတဲ့ ဟောလိဝုဒ် စုံတွဲလေးတစ်တွဲပါ။

Zendaya ဟာ ၂၀၂၀ ခုနှစ်မှာ Euphoria ဆိုတဲ့ လူငယ်ဆန်ဆန် ခပ်မိုက်မိုက်ဇာတ်လမ်းတွဲလေးမှာ ပါဝင်ခဲ့ပြီး Emmy ဆုကြီး ရခဲ့ပါတယ်။ သူမဟာ အသက်အငယ်ဆုံး Emmy ဆု ရှင် ဖြစ်သွားခဲ့ပါတယ်။

ဒီလိုအဖက်ဖက်ကတော်တဲ့ ကောင်မလေးကို တချို့ပရိသတ်တွေက မကြိုက်တာလည်း ရှိပါတယ်။ သူမရဲ့ ခန္ဓာကိုယ်က အရမ်းပိန်လွန်းတယ်၊ ပြားလွန်းတယ်ဆိုပြီး ဝေဖန်ခဲ့ကြတာပါ။

ဒါကို သူမက ပြစ်တင်ဝေဖန်ခြင်း မပြုခဲ့တဲ့အပြင် အင်တာဗျူးတစ်ခုမှာ ဒီလိုဖြေခဲ့ပါသေးတယ်။ "သူများတွေ ဝိတ်လျှော့ဖို့ အသည်းအသန် လုပ်နေရတာ။ သူဆို ဘယ်တုန်းကမှ ဝိတ်လျှော့စရာ မလိုဘူး။ ဘာစားစား မဝဘူး" လို့ ရယ်မောရင်း ပြောသွားခဲ့ပါတယ်။ တကယ် ချစ်စရာကောင်းတဲ့ မင်းသမီးလေးပါပဲ။

Photos - Google