သန္ဓေတားဆေးလို့ ပြောလိုက်ရင် အမျိုးသမီးတွေနဲ့ပဲ ဆိုင်တယ်လို့ အားလုံး သိထားကြပါတယ်။ သန္ဓေတားဖို့ သောက်ရတဲ့ ဟော်မုန်းဆေးတွေက ဘေးထွက်ဆိုးကျိုးတွေကိုလည်း ခေတ်အဆက်ဆက် အမျိုးသမီးတွေ ခံစားလာကြရတာပါ။
ကျားမ တန်းတူညီမျှမှုကို အလေးထားလာတဲ့ ခုခေတ်မှာတော့ ဒီကိစ္စဟာ ယောကျ်ားတွေမှာလည်း တာဝန်ရှိတယ်ဆိုတာ ကျယ်ကျယ်လောင်လောင် ပြောနေကြပါပြီ။
သတင်းကောင်းတစ်ခုကတော့ အမျိုးသားတွေ သောက်ရတဲ့ သန္ဓေတားဆေးကို ကြွက်ကလေးတွေနဲ့ စမ်းသပ်တာ အောင်မြင်နေပါပြီ။ မကြာခင်မှာ လူနဲ့ စမ်းတော့မှာ ဖြစ်ပါတယ်။ တကယ်တော့ ဒီဆေးတွေကို ၁၉၅၀ ခုနှစ်များဆီကတည်းက သိပ္ပံပညာရှင်တွေ တီထွင်စမ်းသပ်နေခဲ့ကြတာပါ။
ဒါပေမဲ့ အမျိုးသားတစ်ယောက်ဟာ တစ်နေ့မှာ သုက်ပိုး သိန်းနဲ့ချီပြီး ထုတ်လုပ်နိုင်တာ ဖြစ်တဲ့အတွက် တားဆေးထုတ်ရတာ ထင်တာထက် ခက်နေပါတယ်။ စမ်းသပ်မှုတွေရဲ့ အစမှာ ကျားဟော်မုန်းဖြစ်တဲ့ တက်စတိုစတီရုန်းကို နည်းစေတဲ့ ဆေးတွေ လုပ်ခဲ့ပေမဲ့ အဲဒါက ဘေးထွက်ဆိုးကျိုး အရမ်းများပါတယ်။ အဲဒီအတွက် ဟော်မုန်းမပါဘဲ သုက်ပိုးထုတ်လုပ်မှုမှာ ပါဝင်တဲ့ ပရိုတိန်းလေးကို တားတဲ့ဆေး ထုတ်နိုင်အောင် ကြိုးပမ်းနေကြတာပါတဲ့။
တကယ်တော့ နှစ်ပေါင်းများစွာ အမျိုးသမီးတွေ သောက်လာရတဲ့ တားဆေးတွေကလည်း အီစထရိုဂျင်နဲ့ ပရိုဂျက်စတိုရုန်း လို့ခေါ်တဲ့ ဟော်မုန်းတွေပါဝင်ပြီး တူညီတဲ့ ဘေးထွက်ဆိုးကျိုးတွေ ရှိနေခဲ့ပါတယ်။ အမျိုးသမီးတွေအတွက် ရင်နာစရာပါပဲ။ ယောကျ်ားသန္ဓေတားဆေး မြန်မြန်ထုတ်နိုင်ပါစေလို့ မျှော်လင့်မိပါတယ်။
Ref : https://www.dailymail.co.uk/health/article-10640991/One-step-closer-giving-men-Pill.html?ito=social-facebook