ချောကလက်ရောင်ဆံသားမှာ အဖြူရောင် သို့မဟုတ် အဝါရောင်ဖျော့တွေကို Highlight ဖောက်ထားခြင်းကလည်း ဆံသားကိုတောက်ပစေပြီးပိုပြီးချောမွေ့စေတဲ့ပုံပေါ်ပါတယ်။ ဆံပင်ရှည်ပြီးတော့ ဖြောင့်စင်းတဲ့ဆံပင်တွေရှိတယ်ဆိုရင် ဒီအရောင်ဟာအတော်လေးလှအောင်ကူညီပေးနိုင်မှာဖြစ်ပါတယ်။
ချောကလက်အရင့်ရောင်ကို ရွှေအိုရောင်လိုမျိုးအရောင်နှင့် ရောစပ်ဆိုးခြင်းကလည်း ဆံသားကိုပိုပြီးပျော့ပြောင်းသယောင်ပေါ်စေပြီးတော့ ဆံပင်ပါးတဲ့သူတွေအတွက်ဆိုရင် အုံထူသလိုအသွင်အပြင်ကိုပါပေးနိုင်ပါတယ်။ အထူးသဖြင့် လှိုင်းတွန့်ကောက်ထားတဲ့ဆံပင်ရှည်တွေနှင့်လိုက်ဖက်တဲ့ အရောင်စပ်ဖြစ်ပါတယ်။
ချောကလက်ရောင်နှင့် ချယ်ရီရောင်တို့ရဲ့ပေါင်းစပ်မှုကလည်း အတော်လေးမိန်းကလေးဆန်ပြီးတော့ လှတဲ့ပေါင်းစပ်မှုဖြစ်ပါတယ်။ ဒီလိုဆံပင်အရောင်ဟာ လူငယ်တွေတင်မကဘဲ သက်လတ်ပိုင်းအမျိုးသမီးတွေအတွက်ပါ အဆင်ပြေပြီး လှတဲ့ဆံပင်အရောင်ဖြစ်ပါတယ်။
ချောကလက်ရောင်နှင့် မဟော်ဂနီအရောင်ကိုမသိမသာရောစပ်ဆိုးထားတဲ့ ဒီလိုပေါင်းစပ်မှုအရောင်ကလည်း အရောင်ဆိုးချင်ပေမဲ့ သိသာတဲ့အရောင်မဆိုးချင်တဲ့သူတွေအတွက် ကောင်းမွန်တဲ့ရွေးချယ်မှုတစ်ခုဖြစ်ပါတယ်။
ချောကလက်အရောင်နုကို ဘာအရောင်နှင့်မှမစပ်ဘဲ တစ်ခုလုံးဆိုးချတာကလည်း အနက်ရောင်နှင့်ဆင်တူပေမဲ့ အသားဝင်းစေပြီး မျက်နှာကိုပိုလင်းသွားစေနိုင်တဲ့အရောင်ဖြစ်ပါတယ်။
ချောကလက်နှင့်နီညိုရောင်ပေါင်းစပ်မှုကလည်း ဆံပင်ရှည်တဲ့သူတွေအတွက်တော့ ရွေးချယ်သင့်တဲ့အရောင်ဖြစ်ပါတယ်။ ဆံသားကိုပိုနူးညံ့စေတဲ့အပြင် ပိုပြီးလည်း ပျော့ပျောင်းပုံပေါ်စေတဲ့အရောင်ဖြစ်ပါတယ်။ အရောင်ထွက်လှတာကြောင့် မိန်းကလေးဆန်ပြီး ကျက်သရေရှိတဲ့ အသွင်အပြင်ကိုဖြစ်စေနိုင်ပါတယ်။
Bong I.T