တောက်ပြောင်တဲ့အရောင်တွေနှင့်ငွေမှုန်လိုမျိုးပါတဲ့ လက်သည်းဆိုးဆေးတွေကိုအောက်ခံဆိုးပြီး အပေါ်ကနေ သက်တံ့ပုံကိုဆွဲထားခြင်းဟာ မလိုက်ဖက်ဘူးလို့ထင်ရပေမဲ့ ဆန်းသစ်တဲ့ဒီဇိုင်းဖြစ်ပါတယ်။
သက်တံ့အပိုင်းကို လက်သည်းတစ်ခုလုံးမှာမဆိုးဘဲ ထိပ်ဖျားလေးမှာပဲဆိုးလိုက်တဲ့ ဒီပုံစံဟာအတော်လေးလှပြီးတော့ လက်ကိုပိုလှသွားစေပါတယ်။ လက်သည်းအရှည်ရှိဖို့မလိုအပ်ဘဲ လက်သည်းအတိုမှာပါ ဒီပုံစံဟာလိုက်ဖက်ညီနေပါတယ်။
အဆိုးများကြတဲ့ ဒီပုံစံကတော့ အဖြူရောင်နှင့်သက်တံ့ရောင်တွေကိုအဆင်ပြေသလိုတွဲစပ်ထားတာဖြစ်ပါတယ်။ လက်သည်းငါးခုကိုကြိုက်တဲ့ပုံစံနှင့်အရောင်ခြယ်နိုင်ပါတယ်။
သက်တံ့ကိုအရောင်နုတွေနှင့်မတွဲဘဲ အနက်ရောင်နှင့်အောက်ခံအဖြစ်ဆိုးလိုက်တာကလည်း တမူထူးခြားတဲ့ပုံစံကိုဖြစ်စေပါတယ်။ မလိုက်ဖက်လောက်ဘူးလို့ထင်ရပေမဲ့ အနက်ရောင်အောက်ခံကြောင့် သက်တံ့ရောင်တွေ ပိုပြီးထင်ပေါ်လာစေပါတယ်။
သက်တံ့ကိုပဲ မြင်နေကျအလျားလိုက်လိုမဆိုးဘဲ ဒေါင်လိုက်ဆိုးပြီးလှိုင်းတွန့်ပုံပေါ်အောင်လုပ်တာကလည်း အမြင်ဆန်းတဲ့ဒီဇိုင်းဖြစ်ပါတယ်။ အထူးသဖြင့် လက်သည်းရှည်တွေမှာဆိုရင် လှိုင်းပုံပိုပေါ်ပြီးတော့ ပိုပြီးအသစ်အဆန်းဖြစ်ပါတယ်။
သက်တံ့ကိုမှ လက်သည်းပေါ်အပြည့်မဆိုးဘဲ အခုလိုမျိုးပုံဖော်ဆိုးတာလေးကလည်း ချစ်စရာကောင်းတဲ့ဒီဇိုင်းဖြစ်ပါတယ်။ ဆိုးတဲ့သူရဲ့ အကြိုက်ပေါ်မူတည်ပြီးတော့ ပုံဖော်ရမယ့်ပုံစံတွေကို စိတ်ကြိုက်ပြောင်းလဲနိုင်ပါတယ်။
Bong I.T