မြန်မာပရိသတ်တွေ အရမ်းအားပေးခဲ့ကြတဲ့ F4 သို့မဟုတ် Boys Over Flowers ဆိုတဲ့ ဇာတ်လမ်းတွဲလေး ထွက်ခဲ့တာ ခုဆို ၁၃ နှစ် ရှိသွားခဲ့ပါပြီ။ ဇာတ်လိုက်မင်းသားဖြစ်တဲ့ လီမင်ဟိုက အဲဒီကားကစပြီး ခုချိန်ထိ လျှမ်းလျှမ်းတောက် အောင်မြင်နေဆဲပါ။

အဲဒီဇာတ်ကားထဲမှာ ကျောင်းသူမလေး ၂ ယောက်ကို မှတ်မိကြမှာပါ။ တစ်ယောက်ကတော့ လီမင်ဟိုနဲ့ တွဲမဲ့ မင်းသမီး ဂိုဟယ်ဆွန်း ဖြစ်ပါတယ်။ နောက်တစ်ယောက်ကတော့ သူမရဲ့ အချစ်ဆုံး သူငယ်ချင်းအနေနဲ့ သရုပ်ဆောင်ခဲ့တဲ့ မင်းသမီးလေး ကင်ဆိုအွန်းပါ။

ကင်ဆိုအွန်းလေးရဲ့ မျက်နှာက အရမ်းကို မိန်းကလေးဆန်ဆန်လေး နူးညံ့လှပတာမို့ ဇာတ်လမ်းထွက်စကတည်းက ပရိသတ်တွေ ချစ်ခဲ့ကြတာပါ။ အထူးသဖြင့် သူမရဲ့ မျက်လုံးလေးတွေက ဝိုင်းစက်ပြီး တလဲ့လဲ့ တောက်ပနေတာကြောင့် ပိုပြီး နာမည်ကြီးခဲ့ပါတယ်။

ဒါကြောင့်ပဲ F4 ဇာတ်လမ်းတွဲအပြီးမှာ သူမကို ရုပ်ရှင်ဇာတ်ကားတွေ ရိုက်ဖို့ ကမ်းလှမ်းခဲ့ကြပါတယ်။ A Thousand Kisses, Horse Doctor, Liar Game စတဲ့ ဇာတ်လမ်းတွဲတွေမှာ ပါဝင်ခဲ့ပေမဲ့ ထင်သလောက် အောင်မြင်မှု မရခဲ့ပါဘူး။

လွန်ခဲ့တဲ့နှစ်က Monthly Magazine Home ဆိုတဲ့ ဒရာမာမှာတော့ ဧည့်သည်သရုပ်ဆောင်အနေနဲ့ ပါဝင်ခဲ့ပါတယ်။ ပရိသတ်တွေ အံ့အားသင့်ခဲ့ရတာက ၁၃ နှစ် ကြာပြီးတာတောင် နုပျိုလှပနေဆဲ သူမရဲ့ ရုပ်ရည်ကိုပါပဲ။

F4 ကားထဲက ထက်တောင် ပိုလှ ပိုနုနေသေးတယ်လို့ ပြောနေကြပါတယ်။ တကယ်လည်း အသက် ၃၃ နှစ်သာ ရှိသွားပေမဲ့ သူမက ဆယ်ကျော်သက်လေးလိုပါပဲ။

Ref : https://kbizoom.com/the-admirably-youthful-visual-of-porridge-girl-of-boys-over-flower-after-13-years/