Kpop Idol တွေထဲ ဝက်ဝက်ကွဲအောင်မြင်ကျော်ကြားလူကြိုက်များတဲ့ BLACKPINK အဖွဲ့ဝင် Lisa ကတော့ နာမည်ကျော် ဇိမိခံပစ္စည်း အမှတ်တံဆိပ်များဖြစ်တဲ့ M.A.C , BVLGARI Céline အစရှိတဲ့ အမှတ်တံဆိပ်တွေရဲ့ Global Brand Ambassador တစ်ဦးဖြစ်ပါတယ်။

ယမန်နေ့ မတ်လ(၁၄)ရက်နေ့ကလည်း သူမဟာ စကော့တလန်အခြေစိုက် နာမည်ကျော် ဝီစကီအမှတ်တံဆိပ်ဖြစ်တဲ့ CHIVAS Regal ရဲ့ Brand Ambassador အဖြစ်ခန့်အပ်ခြင်းခံခဲ့ရပြီး အာရှကိုယ်စားပြုအနေနဲ့ တစ်ဦးတည်းသောခန့်အပ်ခံရတဲ့ မိန်းကလေးဖြစ်ကြောင်းပြောကြားလာပါတယ်။

Lisa ဟာ Chivas ရဲ့ဆောင်ပုဒ်ဖြစ်တဲ့ "I rise , We rise" ဆိုတဲ့ဆောင်ပုဒ်နဲ့ကိုက်ညီကြောင်း ၊ သူမဟာ အတော်လေး ဩဇာလွှမ်းမိုးမှုရှိတဲ့အတွက် ရွေးချယ်ခဲ့တာဖြစ်ကြောင်း ၊ Lisa ဟာ ဝီစကီနဲ့ပတ်သက်ပြီး လူတွေအမြင်မှားနေတဲ့အတွေးအခေါ်တွေကိုပြောင်းလဲနိုင်တဲ့အထိ ဩဇာလွှမ်းမိုးပြီးထက်မြက်တဲ့အတွက်ရွေးချယ်လိုက်ရကြောင်းဖော်ပြထားပါတယ်။