“တန်မို” ရဲ့စျာပန အမှတ်တရပန်းစည်းမှာ သူမ မန်နေဂျာ “Gratik ” ရေးထားတဲ့ စာအကြောင်း

မင်းသမီးချောလေး Tangmo Pataritda ကတော့ 1984 ခုနှစ်တွင်မွေးဖွားခဲ့ပြီး Golden Temple ရဲ့ ဖျော်ဖြေရေးနယ်ပယ်မှာ ကျော်ကြားတဲ့ သရုပ်ဆောင်မော်ဒယ်တစ်ယောက်ဖြစ်ပါတယ်။ ၂၀၂၂ ခုနှစ် ဖေဖော်ဝါရီလ ၂၄ ရက်နေ့ ည ၂၃ နာရီအချိန်ခန့်က ထိုင်းမင်းသမီးချော Tangmo ကရေထဲသို့မတော်တဆ ပြုတ်ကျခဲ့ပြီး Body ကို ပြန်ရှာတွေ့ရချိန်မှာတော့ အလောင်းသာ ပြန်ရခဲ့တာ ဖြစ်ပါတယ်။

Tangmo ကတော့ အသက်က ၃၈ နှစ်အရွယ်မှာပဲ ကြွေလွင့် သွားခဲ့ရတာဖြစ်ပါတယ်။ ယခုမှာတော့ ထိုင်းမင်းသမီး “တန်မိုနိဒါ” ရဲ့ ဈာပနအခမ်းအနားကို လူ ၁၀၀၀ဆံ့တဲ့ ခန်းမကြီးမှာ မတ်လ ၁၁ ရက်နေ့ကနေ ၁၃ ရက်နေ့အထိ ၃ရက်တိုင်တိုင် ကျင်းပသွားမှာဖြစ်ပါတယ်။

Tangmo ရဲ့ မန်နေဂျာ Gratik ကတော့ သူမအရမ်းချစ်ရတဲ့ သူငယ်ချင်းတစ်ဦးပဲ ဖြစ်ပါတယ်။ မနေ့က 13နာရီ ၂၀ မိနစ်မှာ Gratik ကTangmo ရဲ့ ဈာပန အခမ်းအနားကျင်းပရာ Bangkok Liberty Church သို့ ပန်းစည်းတစ်စည်း အတူရောက်ရှိလာခဲ့ပြီး အရှေ့ဆုံးမှာ ၅ မိနစ်လောက် တစ်ယောက်တည်း ထိုင်ငိုပြီး ပြန်ထွက်လာခဲ့ပါတယ်။

သူမယူလာနဲ့ ပန်းစည်းမှာ ရေးထားတဲ့စာကတော့ “မို... လွမ်းတယ် လွမ်းတယ် ... ငါနင့်ကို အရမ်းလွမ်းတယ်။ ငါတို့ သူငယ်ချင်း နှစ်ယောက် အတူတူ ရှိလာခဲ့တာ အနှစ် 20 လောက် ရှိခဲ့ပြီ။ အရာရာကို အတူတူ ပျော်ခဲ့တယ် ၊ အတူတူ ဝမ်းနည်းခဲ့တယ်။ အမြဲကောင်းတူ ဆိုးဖက်ရှိပေးတဲ့ နင့်လို သူငယ်ချင်းနဲ့ ဆုံစည်းခွင့်ပေးခဲ့တဲ့ ဘုရားသခင်ကိုလည်း ကျေးဇူးတင်ပါတယ်။နင်က ငါ့ရဲ့သူငယ်ချင်းဆိုတာထက် ပိုတဲ့ မိသားစုတွေပါဟာ။ နင်က ငါ့နှလုံးသားထဲမှာ အမြဲရှိနေမှာပါ။ နင့်ကိုငါ ကောင်းကောင်း ဂရုမစိုက်နိုင်ခဲ့တဲ့အတွက် တောင်းပန်ပါတယ်…” ဆိုပြီး ရေးသားထားတာပဲ ဖြစ်ပါတယ်။

Tangmo သေဆုံးမှုက သူမရဲ့ သူငယ်ချင်း မန်နေဂျာ Gratik နဲ့ သံသယမကင်းကြောင်း ပရိသတ်တွေကြားမှာ ပြောဆိုမှုတွေ ရှိပေမယ့်လည်း Tangmo ဘာကြောင့်သေဆုံးရတယ်ဆိုတဲ့ အမှုမှန်ကတော့ လက်ရှိအချိန်ထိကို မသိရသေးပါဘူး။

Source : Kinglivestar