၁၉၉၄ ခုနှစ် မတ်လ ၁ ရက်နေ့မှာ မွေးဖွားခဲ့တဲ့ ဂျက်စတင် ဘီဘာလေးဟာ ဒီနေ့ ၂၈ နှစ် ပြည့်သွားခဲ့ပါပြီ။ ပျော်ရွှင်ဖွယ်ရာ မွေးနေ့လေး ဖြစ်ပါစေနော်။

သူ့ကို ကနေဒါနိုင်ငံမှာ မွေးဖွားခဲ့တာ ဖြစ်ပါတယ်။ သူ့အမေနဲ့ အဖေက လက်ထပ်ဖူးခြင်း မရှိပါဘူး။ သူ့အမေက Single mom အနေနဲ့ ဂျက်စတင့်ကို မွေးခဲ့တာပါ။ သူငယ်စဥ်က အဖိုး အဖွားနဲ့သာ ကြီးပြင်းခဲ့ရပါတယ်။

ခုလို ကြမ်းတမ်းတဲ့ ငယ်ဘဝကို ဖြတ်သန်းခဲ့ရတဲ့ ကောင်လေးဟာ ၂၀၁၀ ကာလတစ်ဝိုက်ဆီက ဆယ်ကျော်သက်ကောင်မလေးတွေကို စွဲလန်းစေတဲ့ အဆိုတော်ပေါက်စလေး ဖြစ်လာခဲ့ပါတယ်။

သူ့ရဲ့ ပထမဆုံး အယ်လ်ဘမ်မှာ ပါဝင်တဲ့ Baby သီချင်းဟာ နာမည်အရမ်းကြီးသွားခဲ့ပါတယ်။

ဆက်လက်ပြီး ထွက်ခဲ့တဲ့ Mistletoe ဟာလည်း အမျိုးသားအဆိုတော် သီဆိုတဲ့ အပေါက်ဆုံး ခရစ်စမတ်သီချင်း ဖြစ်ခဲ့တာပါ။

သူ့ဘဝမှာ အခက်အခဲအချို့ ကြုံခဲ့ရပေမဲ့လည်း သူ့ရဲ့ ကြိုးစားမှုဟာ ဘယ်တော့မှ မရပ်တန့်ခဲ့ပါဘူး။ ခုဆို သူဟာ အမေရိကားရဲ့ အချမ်းသာဆုံး အဆိုတော်စာရင်းထဲ ပါနေပါပြီ။ ချစ်ဇနီးလေး ဟေလီဘီဘာနဲ့လည်း သာယာပျော်ရွှင်နေပါပြီ။

ခုလို ကောင်းကောင်းမွန်မွန် အရွယ်ရောက်လာတာကို မြင်ရတာ တကယ်ကြည်နူးစရာပါ။ ဆယ်ကျော်သက်ဘဝက ရင်ခုန်ရတဲ့ ကောင်လေးဟာ တည်ငြိမ်တဲ့ ယောကျ်ားတစ်ယောက် ဖြစ်လာခဲ့ပါပြီ။ ရှေ့ဆက်ပြီး အောင်မြင်ပါစေလို့ ဆုတောင်းပေးလိုက်ပါတယ်။

Photos - Google