အနုပညာလောကမှာ အောင်မြင်မှုသရဖူဆောင်းနိုင်ခဲ့တဲ့ မင်းသမီးချောလေး ခိုင်နှင်းဝေကတော့ အခုလက်ရှိမှာ အနုပညာအလုပ်တွေထက် ပရဟိတလုပ်ငန်းတွေကို တစ်စိုက်မတ်မတ်လုပ်ဆောင်နေသူလည်းဖြစ်ပါတယ်။ ခိုင်နှင်းဝေက ခိုင်နှင်းဝေပရဟိတ အသင်းနဲ့ ခိုင်မိသားစု‌‌ဂေဟာတို့ကို ဦးစီးပြီး အများအကျိုးကို သယ်ပိုးဆောင်ရွက်နေသူလေးလည်း ဖြစ်ပါတယ်။

ခိုင်နှင်းဝေ ခေါ်ယူမွေးစားခဲ့တဲ့ ‌ကလေးတွေထဲမှာ ကိုထက်ဦးမောင် (အာကြီး) ကတော့ ကိုယ်ဝန်ဆောင်စဉ်ကာလမှာ သန္ဓေသားထိခိုက်မှုရှိခဲ့တာကြောင့် နှုတ်ခမ်းပုံပျက်နေတဲ့ကလေးဖြစ်ပါတယ်။ အာကြီးကို မူလပုံစံလေးအတိုင်း ပြန်ဖြစ်လာစေဖို့အတွက် ခွဲစိတ်ပေးဖို့ကို ခိုင်နှင်း‌ဝေက စီစဉ်ပေးနေတာပဲဖြစ်ပါတယ်။

သားလေးမောင်အာကြီးရဲ့ မျက်နှာအနေအထား ခွဲစိပ်မှုအခြေအနေနဲ့ ပတ်သက်ပြီး ခိုင်နှင်းဝေက "ကိုထက်ဦးမောင်ရဲ့ CT reportများ အရ အတွင်းပိုင်း ခေါင်းရိုးမှာ (မွေးရာပါ) ချိုင့်ဝင်နေတဲ့ (ထိခိုက်မိထားတဲ့ ကုသမှ ရမဲ့ ဒဏ်ရာတစ်ချို့ ) ရှိပါတယ်..အာခေါင်၊မေးရိုး၊ နားရွက်များ အတွက် ခွဲစိတ်ကုသရပါမယ်..အဆင့် (၃) ဆင့်လောက် ကုသရမှာဖြစ်ပြီး အသက် (၅) နှစ် ဝန်းကျင်ခန့်လောက်မှသာ မျက်နှာ အနေထား ပုံပြောင်းနိုင်မှာ ဖြစ်ပါတယ်..ယခု အသက်အရွယ်ပိုင်းအရဆိုရင်တော့ အစားစားနိုင်အောင်သာ ခွဲစိတ်ကုသထားနိုင်မှာပါ..

သားလေး အတွက် အကောင်းဆုံး ကုသမှုမျိုးများ ဆောင်ရွက်ပေးသွားဘို့ ကျမ ရည်ရွယ်ထားပါတယ်..သားလေးကို ချစ်ပေးကြတဲ့ ၊မေတ္တာပေးကြတဲ့ ခုနှစ်ရက် သားသမီးများ အားလုံးကိုလဲ ကျေးဇူး အများကြီး တင်ပါတယ်ရှင်..ဆက်လက်ပြီးလဲ မေတ္တာ ခွန်အားများ ပေးပြီး အကောင်းဆုံး ဆက်လက် အသက်ရှင်ဘို့အတွက် သားလေးကို ဖေးမနားလည်ပေးကြပါလို့ မေတ္တာရပ်ခံရင်း..❤️❤️..." ဆိုပြီး အခြေအနေလေးကို ပြောပြလာတာပဲ ဖြစ်ပါတယ်။

ဘဝအကျိုးပေးကံ မကောင်းတဲ့ အာကြီးကို မေမေခိုင်နှင်းဝေကရော ပရိသတ်တွေကပါ အာကြီးကို သနားချစ်နဲ့ အချစ်ပိုနေကြတာလည်း ဖြစ်ပါတယ်။ အာကြီးတစ်ယောက်လည်း ဘဝ တလျှောက် ကံကောင်းပြီး ရခဲလှတဲ့ လူ့ ဘဝမှာ သာသနာတွေ အများကြီး ပြုသွားနိုင်ကြပါစေ။

Source : Khine Hnin Wai's Facebook Acc