အဖြူရောင်ဝတ်စုံလေးတွေနဲ့ လိုက်ဖက်ညီစွာ သဘာဝကျကျရိုက်ကူးထားတဲ့ ကြည်နူးစရာပုံလေးတွေကို မျှဝေလာတဲ့ ဝေဠုကျော်တို့ ဇနီးမောင်နှံ

ပရဟိတမင်းသားကြီးလို့ ပရိသတ်တွေကခေါ်ဝေါ်ကြတဲ့ ဝေဠုကျော်ကတော့ အများအကျိုးအတွက်ဆို ကိုယ်ကျိုးစွန့်ပြီး ကူညီပေးတတ်တဲ့သူဖြစ်ပါတယ်။ ဒါ့ကြောင့်လည်း သူ့ရဲ့ “ဝေဠုကျော်ဖောင်ဒေးရှင်း” ဆီအကူအညီတောင်းခံတဲ့ ဘယ်သူ့ကိုမဆို တတ်နိုင်သလောက် ပြန်လည်ထောက်ပံ့ပေးတာဖြစ်ပါတယ်။

ပရိသတ်တွေက ဝေဠုကျော်ကို တစ်သက်လုံးလူပျိုကြီးအဖြစ်ပဲ နေထိုင်သွားတော့မယ်လို့ ခန့်မှန်းထားရာမှ ဖေဖော်ဝါရီလ (၂၂) ရက်နေ့မှာ အငြိမ့်မင်းသမီး ရှေ့နေမလေး ရေကြည်ချမ်းမြနဲ့ လက်ထပ်သွားခဲ့ပြီပဲဖြစ်ပါတယ်။

သတို့သမီးလေးက အရမ်းကိုချောမောလှပပြီး ဝေဠုကျော်နဲ့ နေနဲ့လ ရွှေနဲ့မြလိုလိုက်ဖက်ညီလွန်းတာကြောင့် ‌ဝေဠုကျော်တစ်ယောက် မိန်းမရကံကောင်းတယ်လို့ ဆိုရမှာပဲဖြစ်ပါတယ်။

ဝေဠုကျော်က အဖြူရောင်ဝတ်စုံလေးတွေနဲ့ လိုက်ဖက်ညီစွာ သဘာဝကျကျရိုက်ကူးထားတဲ့ သူတို့နှစ်ယောက်ရဲ့ ကြည်နူးစရာပုံရိပ်လေးတွေကိုအခုလိုပဲ ချပြလာခဲ့ပါတယ်။

" ဆိုးတူ

ကောင်းဘက်

တို့နှစ်ယောက်

ဘဝတစ်သက်

ဝေဠုကျော်+ရေကြည်ချမ်းမြ " ဆိုပြီး သူ့ရဲ့လူမှုကွန်ယက်ထက်မှာ ရေးသားထားတာပဲဖြစ်ပါတယ်။ ဝေဠုကျော်ကတော့ သူချစ်မြတ်နိုးတဲ့ အငြိမ့်မင်းသမီးလေး ရေကြည်ချမ်းမြနဲ့ လက်ထပ်ပြီး နှစ်ကိုယ်တူဘဝလေးကို တည်ဆောက်သွားခဲ့ပြီပဲဖြစ်ပါတယ်။

Source: Wai Lu Kyaw Foundation 's Fb page