၂၀၂၂ ဘေဂျင်းအိုလံပစ်ပွဲတော်မှာ ပြိုင်ပွဲဝင်နေကြတဲ့ အားကစားသမားတွေဟာ လတ်တလော ရေပန်းစားနေပါတယ်။ အားကစားအမျိုးမျိုး ရှိတဲ့ထဲမှာ ရေခဲပြင်စကိတ်စီးတာလည်း ပါပါတယ်။ ဒီပြိုင်ပွဲအတွက် တောင်ကိုရီးယားနိုင်ငံရဲ့ ဂုဏ်ဆောင် ရေခဲပြင်စကိတ်သမားလေးကတော့ အသက် ၂၀ သာ ရှိသေးတဲ့ ချာဂျွန်းဟွမ်ဆိုတဲ့ လူချောလေး ဖြစ်ပါတယ်။

အားကစားမှာ တော်ရုံတင်မက ရုပ်ကလည်း မင်းသားလုပ်လို့ရလောက်အောင် ချောတာပါ။ သူ့ပုံလေးတွေ ဆိုရှယ်မီဒီယာမှာ ပြန့်လာတော့ ပရိသတ်တွေ ကြွေနေကြပါတယ်။

ကြွေရုံတင်မကဘဲ သူ့ကို မင်းသား မင်းသမီးထဲက တစ်ယောက်ယောက်နဲ့ တူတယ်လို့ ထင်လာကြပါတယ်။ နောက်ဆုံးမှာတော့ သူ့မျက်နှာလေးကို ဆုန်ကန်းရယ် ဟန်ဆိုဟီးရယ်နဲ့ တွဲကြည့်လိုက်တဲ့အခါ တကယ် ရုပ်ဆင်နေတာကို သွားတွေ့ရပါတယ်။

ဟန်ဆိုဟီးရဲ့ နူးညံ့ပြီး ဆွဲဆောင်မှုရှိတဲ့အလှရယ် ဆုန်ကန်းဆီက မျက်ခုံးနဲ့ နှုတ်ခမ်းထူထူလေးရယ် အချိုးကျ ပေါင်းစပ်ထားတဲ့ တကယ့်လူချောလေးပါပဲ။ ဒါကြောင့် ပရိသတ်တွေကလည်း ဟန်ဆိုဟီးနဲ့ ဆုန်ကန်းသာ ကလေးလေးတစ်ယောက် မွေးခဲ့ရင် ဒီရုပ်လေး ထွက်မှာလို့ ပြောနေကြတာပါ။ သူတို့နှစ်ယောက်က Nevertheless ဆိုတဲ့ လူငယ်အချစ်ကားလေးထဲမှာ အတွဲညီညီ သရုပ်ဆောင်ခဲ့ကြတာပါ။

Ref : https://www.koreaboo.com/news/cha-jun-hwan-korean-figure-skater-song-kang-han-so-hee/