မြန်မာအလှမယ် မေမြတ်နိုးဟာ ၂၀၁၄ ခုနှစ်မှာ အာရှ ပစိဖိတ် အလှမယ်ဆု ရရှိခဲ့ပြီး ၂၀၁၆ မှာ Asia's Next Top Model ပြိုင်ပွဲဝင်အဖြစ် နာမည်ကြီးခဲ့သူပါ။

ရွှေအိုရောင် အသားအရည်၊ နက်မှောင်တဲ့ မျက်လုံးနဲ့ ဆံပင်၊ သွယ်ဖြောင့်တဲ့ ကိုယ်အလှတို့ကြောင့် ဆွဲဆောင်မှု ရှိတဲ့ အမျိုးသမီးပါ။ သူမရဲ့ ရုပ်ရည်ဟာ မြန်မာဆန်ပြီး ကမ္ဘာ့အလယ်မှာ မြန်မာတွေရဲ့ အသွေးအမွေးနဲ့ အရည်အချင်းကို မှတ်ကျောက်တင်စေတဲ့ တန်းဝင် စူပါမော်ဒယ်တစ်ယောက်လည်း ဖြစ်ပါတယ်။

သူမဟာ Asia's Next Top Model ပြိုင်ပွဲအပြီး စင်ကာပူက မော်ဒယ်အေဂျင်စီနဲ့ အလုပ်တွဲလုပ်ရင်း ကမ္ဘာ့မော်ဒယ်လောကကို တက်လှမ်းခဲ့တာပါ။ အခုဆိုရင် ယူကေနိုင်ငံအထိ ခြေဆန့်နေပြီ ဖြစ်ပါတယ်။ Dolce & Gabbana, Moschino, Juventus အစရှိတဲ့ နာမည်ကြီး ဖက်ရှင်ဘရန်းတွေနဲ့ အလုပ်တွဲလုပ်နေပါပြီ။

ဒီတစ်ခါမှာလည်း နာမည်ကြီး ဗြိတိန်မဂ္ဂဇင်းဖြစ်တဲ့ Hello Magazine UK ရဲ့ မျက်နှာဖုံးရှင်အဖြစ် ဓာတ်ပုံရိုက်ကူးခွင့် ရခဲ့ပါတယ်။ သူမရဲ့ ယုံကြည်မှုနဲ့ အလှအပဟာ တကယ် ခမ်းနားပြီး ထက်မြက်တဲ့ အမျိုးသမီးတစ်ယောက်အသွင် ရစေပါတယ်။ ဒီပုံလေးတွေကို သူမရဲ့  facebook စာမျက်နှာမှာ မျှဝေခဲ့တာပါ။ 

ပရိသတ်တွေ အားပေးနိုင်ဖို့ အလှပဂေး မေမြတ်နိုးရဲ့ ပုံရိပ်လေးတွေကို ဖော်ပြပေးလိုက်ပါတယ်။ 

Photo Courtesy - May Myat Noe