ဒေါ်သဲနုခိုင်ဟာ အမေများအဖွဲ့ဝင်တစ်ဦးဖြစ်ပြီး ရုပ်ရှင်နဲ့ ဗီဒီယိုဇာတ်ကားပေါင်းများစွာတွင် ပါဝင်ရိုက်ကူး သရုပ်ဆောင် ခဲ့တဲ့ ဝါရင့်အမျိုးသမီးကြီးတစ်ဦဖြစ်ပါတယ်။ သူမက ဇန်နဝါရီလ (၂၉) ရက် နံနက် ၁ နာရီ မိနစ် ၅၀ အချိန်က နှလုံးရောဂါနဲ့ ကွယ်လွန်သွားခဲ့တာ ဖြစ်ပါတယ်။ ကွယ်လွန်ချိန် တွင် အသက် ၈၂ နှစ်ရှိပြီဖြစ်ပါတယ်။

ဒေါ်သဲနုခိုင် အတွက် အနုပညာ အသိုင်းအဝိုင်းကလည်း ဝမ်းနည်းနှမြောနေကြသလို မိသားစုဝင်တွေကလည်း ဖြေမဆည်နိုင်အောင် ဖြစ်နေကြပါတယ်။ သရုပ်ဆောင် ယွန်းယွန်းကလည်း အဘွားဖြစ်သူဒေါ်သဲနုခိုင်ရဲ့ နောက်ဆုံးခရီးကို လိုက်ပါပို့ဆောင်ရင်း မီးခိုးခေါင်းတိုင်ကိုကြည့်ကာ ဖြေမဆည်နိုင်အောင် ဝမ်းနည်းနေတာလည်း ဖြစ်ပါတယ်။

“Until We Meet again miss you already grandma “ ဆိုပြီး စာသားလေးနဲ့အတူ သူမဝမ်းနည်းကြောင်းကို ရေးသားထားတာပဲ ဖြစ်ပါတယ်။ ပရိသတ်တွေကလည်း ယွန်းယွန်းရဲ့အဘွား ဒေါ်သဲနုခိုင် ကောင်းရာမွန်ရာဘုံဘဝသို့ ရောက်ရှိပါစေလို့ ဆုတောင်းပေးနေကြတာ ဖြစ်ပါတယ်။

Source: yoonyoon_yuki's IG Acc