စူးရှလှပပြီး ညှို့ငင်နိုင်တဲ့ မျက်ဝန်းတစ်စုံ ၊ ပီပြင်ပိုင်နိုင်တဲ့ သဘာဝဆန်ဆန် သရုပ်ဆောင်ချက်တွေနဲ့ နာမည်ကျော်ကြား လူချစ်ခင်လူခင်များတဲ့ အနုပညာရှင်တစ်ဦးလို့ ဆိုလာရင်တော့ ပရိတ်သတ်တွေသိပ်ကို သဘောကျကြတဲ့ မင်းသားရဲတိုက်ကို ဖော်ပြရမှာပဲဖြစ်ပါတယ်။
မင်းသား ရဲတိုက် ဟာ (၂၀၂၁)ခုနှစ် ၊ ဖေဖော်ဝါရီ (၁)ရက်နေ့မှစကာ ပြည်သူနဲ့တသားတည်း နိုင်ငံရေးတော်လှန်မှုများ လှုပ်ရှားခဲ့တဲ့အတွက် လက်ရှိမှာ နိုင်ငံတော်အကြည်ညိုပျက်စေမှု ပုဒ်မ ၅၀၅(က)ဖြင့် ဖမ်းဆီးထိန်းသိမ်းခံထားရတာဖြစ်ပါတယ်။
ယမန်နေ့ ဇန်နဝါရီ(၂၄)ရက်နေ့က သူ့ရဲ့အမှုအတွက် ရုံးချိန်းစစ်ဆေးခံခဲ့ရပြီး သူဟာ ပရိတ်သတ်အားလုံးကို သတိရကြောင်း၊ သူ့ကိုပို့သပေးတဲ့ ဆုတောင်းနဲ့မေတ္တာတရားများအတွက် ကျေးဇူးတင်လိုကြောင်း အမှာစကားပါးလာခဲ့ပါတယ်။ ဘယ်လိုအခြေအနေမျိုးမှာမဆို ပရိတ်သတ်ကို ဦးစားပေးတဲ့ ပြည်သူ့အနုပညာရှင်လည်းအမြန်ဆုံးပြန်လည်လွတ်မြောက်လာပါစေလို့ဆုတောင်းပေးလိုက်ရပါတယ်။
