UK နိုင်ငံ မှ အလှူရှင်များကိုယ်စား ချင်းပြည်နယ်သို့ အနွေးထည်များ လှူဒါန်းပေးခဲ့တဲ့ ဝေဠုကျော်ဖောင်ဒေးရှင်း

သဘာဝဆန်ပြီး ပီပြင်ပိုင်နိုင်လွန်းသရုပ်ဆောင်ချက်တွေကြောင့် ပြည်သူရဲ့ ချစ်ခင်အားပေးမှုကို အပြည့်အဝရရှိထားသူကတော့ သရုပ်ဆောင်မင်းသား ဝေဠုကျော်ပဲဖြစ်ပါတယ်။ မင်းသားဝေဠုကျော်ဟာ ယခုနောက်ပိုင်းမှာတော့ အနုပညာလုပ်ငန်းများကို ရပ်နားထားကာ ပရဟိတလုပ်ငန်းများကို လုပ်ကိုင်နေတာပဲဖြစ်ပါတယ်။

သူဟာ ဝေဠုကျော်ဖောင်ဒေးရှင်း ကို ထူထောင်ကာ ပရဟိတအနေနဲ့ အလှူအတန်းများ ၊ ပြည်သူလူထုများအား အရေးပေါ်ကူညီစောင့်ရှောက်မှုများအပြင် အခြားသော ကူညီစောင့်ရှောက်မှုများပါပြုလုပ်နေတာပဲဖြစ်ပါတယ်။

ဇန်နဝါရီ(၂၀)ရက်နေ့ကလည်း ဝေဠုကျော်ဖောင်ဒေးရှင်း အနေနဲ့ UK နိုင်ငံမှ အလှူရှင်များကိုယ်စား ချင်းပြည်နယ် ဟားခါးမြို့ရွာများရှိ ပြည်သူများထံအနွေးထည်အဝတ်အစား ကူညီလှူဒါန်းပေးခဲ့တာဖြစ်ပါတယ်။ ပြည်သူအားလုံးကျန်းမာချမ်းသာ နွေးထွေးစွာဖြင့် ကြံ့ကြံ့ခိုင်နိုင်ကြပါစေလို့ ဆုတောင်းပေးလိုက်ရပါတယ်။