ရေခဲမုန့်ဆိုင်ဝန်ထမ်းဘဝလေးကနေ တောက်ပတဲ့ကြယ်ပွင့်လေးဖြစ်အောင် ကြိုးစားနိုင်ခဲ့တဲ့ Bella Campen

ထိုင်းနိုင်ငံမှာရော မြန်မာပရိသတ်တွေကြားမှာပါ ရေပန်းစားနေတဲ့ ထိုင်းမင်းသမီးချောလေး Bella Ranee ကတော့ အနုပညာလောကထဲမှာ ၉နှစ်ကျော်ကျော်လောက် လျှောက်လှမ်းခဲ့ပြီးချိန်မှာတော့ ပရိတ်သတ်တွေရဲ့ ချစ်ခင်အားပေးမှုကို လက်ခံရရှိပြီးအနုပညာထူးချွန်ဆုတွေကို တပွေ့တပိုက်ကြီး သိမ်းပိုက်ထားနိုင်တဲ့ ဒိတ်ဒိတ်ကြဲမင်းသမီးတလတ် ဖြစ်လို့နေပါပြီ။

Bella လေးရဲ့ နာမည်ရင်းကတော့ Ranee Campen ဖြစ်ပြီး၊(၁၉၈၉)ခုနှစ် ဒီဇင်ဘာ(၂၄) ရ က်နေ့က ဘန်ကောက်မှာ မွေးခဲ့ကာ အသက်ကတော့ (၃၂)နှစ်ပါ။ သူမရဲ့ အဖေ ဟာ ဗြိတိန်၊အမေကတော့ ထိုင်းဖြစ်ပြီး တစ်ဦးတည်းသောသမီးလေးပါ။ သူမရဲ့ ပညာအရည်အချင်းကတော့ Thammasat တက္ကသိုလ်မှာ Journalism and Mass Communication နဲ့ဘွဲ့ရခဲ့တာပါ။ အဲ့ဒီတက္ကသိုလ်ကနေပဲ မာစတာ ဘွဲ့ကို (၂၀၁၆) နိုဝင်ဘာက ရခဲ့ပါတယ်။

Bella လေးကျောင်းသူလေးဘဝတုန်းက Swensens ရေခဲမုန့်ဆိုင်မှာ စားပွဲထိုးအဖြစ် အချိန်ပိုင်းအလုပ်လုပ်ခဲ့ဖူးပါတယ်။ မိသားစု စီးပွားရေးအကျပ်အတည်းကိုဖြေရှင်းနိုင်ဖို့အတွက် 7-8 နာရီကြာအောင် မတ်တပ်ရပ်ပြီး အလုပ်လုပ်ခဲ့ရသူလေးဖြစ်ပါတယ်။

Bella က ရှိတဲ့အရည်အချင်းတွေကို ပိုမိုထက်မြက်အောင် ကြိုးစားရင်း အောက်ခြေဘဝကနေ အခုလိုတောက်ပတဲ့ကြယ်ပွင့်လေးအဖြစ် ထွန်းတောက်နေနိုင်ခဲ့တာဖြစ်ပါတယ်။ အခုလိုထိပ်တန်းဘဝကို ရောက်လာသည့်တိုင် ဘဝမမေ့ဘဲ ဆင်းရဲသားပြည်သူတွေ ဒုက္ခရောက်နေသူတွေကိုအမြဲ ကူညီတတ်လေ့ရှိသူလေးလဲ ဖြစ်ပါတယ်။ အဲ့လိုသူမရဲ့မွန်မြတ်တဲ့ စိတ်ထားလေးတွေကြောင့်လည်း သူမရဲ့ ပရိသတ်တွေက သူမကို အချစ်တွေပိုတိုးလာပြီး ပိုပိုချစ်မိနေကြတာ ဖြစ်ပါတယ်။

Source: liekr.com